HONOR Google Gemini AI мүмкіндіктерін жаңа құрылғыларға енгізеді

HONOR жаһандық технологиялық бренді Gemini чат-ботының жасанды интеллект мүмкіндіктерін оның смартфондарына біріктіру үшін Google-мен серіктестік орнатқаны жайлы хабарлады. HONOR Magic7 Pro — алдын ала орнатылған Google Gemini бар компанияның алғашқы құрылғысы.

«Жасанды интеллект заманауи смартфондарды пайдалану тәжірибесіне революциялық өзгерістер енгізуде. Honor Google-мен серіктестігін нығайту және Gemini-ді біздің жаңа HONOR Magic7 сериясына біріктіру арқылы әр адам үшін жетілдірілген AI шешімдерінің қол жетімділігі жолындағы маңызды қадам жасады» — деді Джордж Чжао, HONOR бас директоры.

Сәтті ынтымақтастық негіздері

Бұл серіктестік HONOR-тың Google-мен табысты серіктестігін одан әрі нығайтып,  сонымен қатар, оған HONOR 200 сериясында Circle to Search енгізу кіреді. Бұл жетістіктер Google Gemini-ді компанияның жаңа өнім желісіне біріктіру үшін берік негіз құрды.

Google Gemini көмегімен функцияларды кеңейту

Google Gemini — пайдаланушыларға оқу мен жоспарлаудан бастап іс-шараларды жазу мен ұйымдастыруға дейін кең ауқымды тапсырмаларды орындауға көмектесетін жетілдірілген чат бот. Пайдаланушылар ботпен мәтін, дауыс, кескіндер және камера арқылы әрекеттесе алады, бұл оны пайдалануды барынша ыңғайлы және тиімді етеді.

Gemini қолданбасында AI-мен жұмыс істейтін жазбалар, фотосуреттерді жақсарту, кескінді сәндеу және мәтінді аудару сияқты мүмкіндіктер бар. Осы мүмкіндіктерді біріктіре отырып, HONOR пайдаланушыларға шығармашылық пен практикалықты біріктіретін бірегей тәжірибені ұсынады.