«Қазақстан алюминийі» АҚ 1-ші ЖЭО күл үйіндісіне депутаттық мониторинг жүргізілді

Павлодар облыстық мәслихатының экология және қоршаған ортаны қорғау мәселелері жөніндегі тұрақты комиссиясы «Қазақстан алюминийі» АҚ 1-ші ЖЭО күл үйіндісіне депутаттық мониторинг жүргізді. Мониторинг барысында депутаттарға құрғақ күл жағажайларын және олардың тозаңдануын жою қамындағы іс-шаралар жоспары таныстырылды.

Күл үйінділері – қоршаған ортаның ластануын болдырмау үшін арнайы бөлінген орындарда жиналатын ЖЭО күл-қож қалдықтарының арнайы қоймалары. 1-ші ЖЭО олардың тозаңдануын болдырмау үшін жүйелі іс-шаралар көзделген. Күл үйіндісінің «құрғақ жағажайлары» деп аталатындар күл үйіндісінің периметрінде орналасқан шаңды басу жүйесі арқылы суарылады. Сондай-ақ, бөгет өткелдері мен жолдарында шаң басылып, күл үйіндісінің барлық аумағына қамыс тұқымы (мысыққұйрық) себіледі.

«Қазақстан алюминийі» АҚ бас экологы Мақсұт Жақыпов депутаттарға күл үйінділерінің аумағын көрсетіп, күл үйіндісі құрылыстарының жай-күйін бақылауға және болашақта тозаңданудың алдын алуға мүмкіндік беретін іс-шаралар жоспарын көрсетті. Сонымен, жақын арада күл үйіндісіндегі (тамыз-қыркүйек) жағажайларды шаю учаскелерінде шөп қоспасын егу және  СҚА (санитарлық қорғау аймағы) шекарасында күл үйіндісінің оңтүстік жағына (маусым-тамыз) 30 терек егу жоспарланған.

– Тұрақты себуге қарамастан, бұрын себілген шөп қоспасы климат жағдайына байланысты толық көлемде өспеді: көктемгі аяз және жазғы маусымның басында әдеттен тыс ыстық және ауа-райы биыл құрғақ тұр. Соңғысы шаңның табиғи себебі. Сонымен қатар, олар күл үйіндісінің 2017-2020 жылдардағы қайта құрудың салдары әлі де байқалады: оны жүргізу барысында қамыс өсімдіктері табиғи қорғаныстан зақымданды. Жоғарыда айтқан қайта құру жұмысы аса қажет болды, неге десеңіз жарты ғасырдан астам уақыт ішінде күл қождарын сақтау мүмкіндігі тоза бастады, – дейді Мақсұт Жақыпов.

Қайта құру барысында дамба бөгеттері бір жарым метрге көтерілді, күл гидротранспорты жүйесі, бес дренаждық сорғы станциясы, дренаж және шаңды басу жүйесі орнатылып, екінші көтергіш сорғы станциясы салынды. Сонымен қатар, № 1, 2 және 3  дренаж станциялары мен ЖЭО-да пайда болған күл қожын сағатына 2 500 текше метр көлемінде күл үйіндісіне айдай алатын сорғы жабдықтары орнатылды. Күл үйіндісінің аумағын инженерлік қорғау шаралары қолға алынған.

Қабылданған шаралардың барлығы күл үйіндісіне қосымша жерлерді қатыстыруға жол бермеуге және ЖЭО қала алдындағы өз міндеттерін орындауды жалғастыруға мүмкіндік берді.  Электр станциясы тұрғын алаптың 40% –  жылумен қамтамасыз етеді және ел үшін стратегиялық кәсіпорын болып табылатын Павлодар алюминий зауытын электр энергиясымен қамтамасыз етеді.

Мониторинг барысында депутаттарға «Қазақстан алюминийі» АҚ-ның экологиялық стратегиясы, атап айтқанда электр станциясының №6 қазандық агрегатына қап сүзгісін орнату туралы сөз қозғалды. Итальяндық Redecam сүзгі өндірушісі уәде еткендей, көмірдің жану шығарындылары жеңнен өтіп, ластаушы бөлшектердің 99% құрмалатын болады. Қазіргі уақытта іске қосу жұмыстары жалғасуда және сүзгі жеңі жүзеге асқан кезде жеке баспасөз конференциясы жиналады.

Естеріңізге сала кетейік, ERG алюминий дивизионының кәсіпорындарында туристік маршрут ашылған. Павлодар алюминий зауытына («Қазақстан алюминийі» АҚ) және Қазақстандық электролиз зауытына баруға ниет білдірушілер турмаршруттың сайтында өтінім бере алады — https://vtour.erg.kz/.