Kaspersky VPN қауіпсіздеу және жылдамырақ бола түсті

«Касперский зертханасы»  Kaspersky VPN өнімін едәуір жаңартты. Жетілдірілген шифрлау мен Catapult Hydra және WireGuard сияқты заманауи VPN хаттамаларынан басқа, шешімде қосарланған VPN мүмкіндігі пайда болды — бұл пайдаланушының трафигін оның IP- мекенжайына сәйкестендіруді қиындатады. Сонымен қатар, орындар тізімі кеңейтілді, қазір олардың саны 100-ден асады.

USENIX қауымдастығының зерттеуіне  сәйкес, адамдар негізінен желідегі құпиялылықты қамтамасыз ету үшін VPN пайдаланады және оны әдетте үнемі жасайды. Сауалнамаға қатысқандардың көпшілігі олардың жеке деректерін ұйымдар жинай алатынына алаңдайды. Олар сондай-ақ зиянды БЖ тарататын сайттардан қауіптенеді. Зерттеу нәтижелері жеке деректерді қорғау және сақтау әлі де пайдаланушыларды алаңдататын негізгі тақырыптардың бірі болып қала беретінін көрсетеді.

Құпиялылықты күшейту. Жаңа маңызды мүмкіндік — қосарланған VPN. Қауіпсіздіктің тағы бір деңгейі трафиктің әртүрлі орындардағы екі сервер арқылы өтуіне және клиент пен аралық сервер арасында екі рет шифрлануына байланысты жасалады. Қосарланған VPN пайдаланушының трафигін оның IP-мекен-жайымен байланыстыруды едәуір қиындатады.

Өнімділік пен жылдамдықты арттыру. Енді Catapult Hydra хаттамасы — нарықтағы ең қуатты хаттамалардың бірі — Kaspersky VPN шеңберінде барлық танымал операциялық жүйелер — Android, Windows, iOS, Mac жұмыс істейтін құрылғыларда пайдалануға болады. Сондай — ақ, WireGuard хаттамасын қолдануды кеңейту жоспарлануда-ол Android-де қол жетімді және жылдың соңына дейін iOS-та қол жетімді болады. Сонымен қатар, 10Gbps арнасының ендігі бар жаңа серверлермен орындарды жаңарту жалғасуда.

Орындар санын көбейту. Kaspersky VPN пайдаланушылары енді бүкіл әлем бойынша 100-ден астам орыннан серверлерді таңдай алады. Неғұрлым жаңаларының қатарында Бангладеш, Қытай, Латвия, Лихтенштейн, Қырғызстан, Малайзия және Новосибирск (Ресей) бар. Олар сондай-ақ жиі қолданылатын орындарды  «Таңдаулыларға» сақтай алады.