KAZENERGY құрамына кіретін компаниялар су тасқынынан зардап шеккен өңірлерге көмек көрсетуде

KAZENERGY қауымдастығы көктемгі су тасқынынан зардап шеккендерге көмек көрсету жөнінде жедел онлайн-кеңес өткізді.

Жұмысқа Қауымдастық Төрағасы М.Мырзағалиев, KAZENERGY Бас директоры Ә.Қуантыров, KAZENERGY қауымдастығына мүше компаниялардың өкілдері қатысты.

Мағзұм Мырзағалиев Қауымдастық мүшелеріне алғыс айтып, жоғары әлеуметтік жауапкершілікке ризашылығын білдірді.

«Мен су тасқынының зардаптарын жоюға және авариялық-құтқару жұмыстарын жүргізуге көмек көрсету туралы өтініштерге тез арада жауап берген Қауымдастық мүшелеріне ерекше алғыс білдіргім келеді»- деді ол.

Атап айтқанда, «Қарашығанақ Петролеум Оперейтинг Б.В.» (ҚПО) 28 наурыздан бастап Бөрлі ауданы әкімдігінің тапсырысы бойынша барлық қажетті техниканы бөлген болатын. Қазіргі уақытта ҚПО акционерлермен құрылыс, үйлерді қалпына келтіру, бөгеттерді салу мәселелерін талқылап жатыр.

ТШО 2 млрд теңге бөліп, қажетті заттармен қамтамасыз етілген вахталық лагерін қоныс аударушыларды орналастыруға ұсынды.
Chevron компаниясы 3 млн. доллар бөлгендігі туралы жариялады.

«ҚазТрансОйл» АҚ 80 млн. теңгеге жуық қаржы жинады.

«Қазмұнайгаз» ҰК» АҚ инфрақұрылымды қалпына келтіру жөнінде бастамашылық етіп, еншілес ұйымдар жергілікті атқарушы органдарға жан-жақты көмек көрсетуде. Сонымен қатар «Қазмұнайгаз» азаматтарымызға көмек ретінде қосымша 3 млрд теңге бөлетінін хабарлады. Бүгінгі таңда су тасқынына қарсы іс-шараларға ұлттық компанияның 500-ден астам қызметкері, жүздеген автокөлік жұмылдырылған, жанар-жағармай материалдары бөлінуде.

«Жайықмұнай» ЖШС зардап шеккендерге жаңа баспана салуға қомақты қаржы бөлінгенін хабарлады.

NCOC компаниясы апаттан зардап шеккен аймақтарға көмек көрсетіп келеді және жұмысқа 50 бірлік техника бөлді. Соколок арнасы аймағындағы ұзындығы 24 шақырым бөгет салуға 19 бірлік пен 34 адам жұмыс істеуде, жұмыс тәулік бойы әкімдіктің бақылауымен жүргізілуде.

«KEGOC» АҚ өкілі компания апатты жағдайда, соның ішінде су тасқыны аймағында орналасқан өңірлерде энергетикалық жүйенің үздіксіз жұмысын қамтамасыз ету бойынша шаралар қабылдап жатқанын атап өтті, сондай-ақ зардап шеккендерге көмек көрсету үшін 1 млрд. теңге мөлшерінде қаражат бөлінгенін хабарлады.

«Қазатомөнеркәсіп» ҰАК» АҚ 3 млрд теңге бөлу туралы шешім қабылдады, сондай-ақ су тасқынынан зардап шеккен өңірлерге арнайы техника жөнелту нұсқаларын да зерделеуде.

Құтқару жұмыстарына «Qazaq Gaz» ҰК» АҚ 800 қызметкері, 135 техника жұмылдырылып, сондай-ақ 1 млрд теңге көлемінде қаражат бөлінді.

PetroRetail компаниясы (QazaqOil жанармай құю станциялары желісі) Қазақстан аймақтарындағы су тасқынынан зардап шеккендерге көмек көрсету және табиғи апаттың салдарын жою үшін 150 млн теңге бөлді.

«Қазақстан коммуналдық жүйелері» (ҚКС) компаниялар тобы өңірлерге көмек ретінде 300 млн. теңге бөлді.

«KAZPETROL GROUP» ЖШС және т.б. материалдық көмек көрсетуді жоспарлап отыр.

KAZENERGY қауымдастығының Бас директоры Әлібек Қуантыров су тасқынының шарықтау шегі әлі өтпегенін, Қазақстанның 10 облысындағы жағдайдың аса күрделі күйінде қалып отырғанын, сондықтан зардап шеккен азаматтар мен бизнеске көмек көрсетуді ұйымдастыру, үйлестіру және қамтамасыз ету қазір кезде KAZENERGY қауымдастығының және оның мүшелерінің басты бастапқы кезектегі міндеттері болып табылатынын еске салды.

Ол кеңеске қатысушыларға, Қауымдастыққа мүше компаниялардың, сондай-ақ Қазақстан Республикасының мұнай, газ және электр энергетикасы саласының басшыларына қауіп төніп тұрған аймақтарға жедел және жүйелі қолдау көрсетуге және апат салдарымен күрсеуге өз үлестерін қосуға өтініш білдірді.