Air Astana Қазақстанда SAF-ты дамыту бойынша жұмыстарды қолдайды
![](https://nazarmedia.kz/wp-content/uploads/2024/07/photo_2024-07-17_15-09-29.jpg)
Air Astana «ҚазМұнайГаз» компаниясымен бірлесіп Қазақстанда Тұрақты авиациялық отынды (SAF) өндіру мен пайдаланудың бастапқы техникалық-экономикалық негіздемесін қаржыландырды. Еуропалық қайта құру және даму банкінің осы жобасын Қазақстанның Авиация әкімшілігі де қолдады. Зерттеуді ICF, жаһандық кеңесші әрі технологиялық қызмет провайдері жүргізді.
Кешенді зерттеу декарбонизация стратегияларын зерттеп, SAF-пен жаһандық жағдайды талдады, сұраныс пен ұсыныс динамикасын және шикізаттың қолжетімділігін зерттеді. Сондай-ақ жергілікті нарыққа жарамдығы үшін SAF өндіру технологиялары бағаланды, әрі Қазақстан нарығында SAF-ты дамыту үшін практикалық ұсыныстар әзірленді.
Air Astana ТМД және Орталық Азиядағы экология тұрғысынан ең тұрақты әуекомпания болуды мақсат етіп, 2050 жылға қарай шығарындыларды мүлдем жоюды көздеп отыр. Сонымен қатар, Air Astana 2030 жылға қарай Азия-Тынық мұхиты Әуекомпаниялары Қауымдастығының 5% SAF-ты араластырып қолдану мақсатын қолдайды.