Алматыда Қазақстан кәсіпкерлерін қолдау мақсатында SHANYRAQ 2025 бизнес-форумы өтеді

Қазақстан Республикасының Ұлттық статистика бюросының деректеріне сәйкес, елде 1,4 млн-нан астам ШОБ субъектілері жұмыс істейді, олардың үлесіне ЖІӨ-нің шамамен 35%-ы және барлық жұмыс орындарының 40%-қа жуығы тиесілі. Алайда кәсіпкерлер бірқатар сын-қатерлерге тап болуда:
● қаржыландыру мен инвестицияларға қол жеткізу;
● салықтық және құқықтық сауаттылықты арттыру;
● цифрландыру және жаңа нарықтарға шығу;
● Made in Kazakhstan жергілікті брендтерін дамыту.

SHANYRAQ осы міндеттерді шешуге арналған практикалық құралдар ұсынып, қазақстандық self-made кәсіпкерлердің нарық жағдайында табысқа жеткен нақты тарихтарын көрсетеді.

SHANYRAQ — Қазақстандағы ең ірі бизнес-форум, ол кәсіпкерлерді, инвесторларды және пікір көшбасшыларын біріктіреді. 2023 жылдан бастап ол жаңа жұмыс орындарын ашатын, жаңа өнімдерді іске қосатын және қазақстандық экономиканың келбетін қалыптастыратындар үшін тартылыс орталығына айналды.

Форум Алматы, Астана, Қарағанды, Өскемен және Ташкент қалаларында өтіп, мыңдаған қатысушыларды жинады. Оның миссиясы өзгеріссіз: қазақстандық кәсіпкерлерді қолдау және ел ішінде қуатты бизнес-қоғамдастық қалыптастыру.

SHANYRAQ басты қағидаттары:

• тек қазақстандық спикерлер;
  ● тек шынайы self-made тарихтар;
  ● тек жұмыс істейтін құралдар.

Ұйымдастырушылардың пікірінше, экономиканың жүрегі – бизнес. Кәсіпкерлер қалалар мен өңірлерді дамытады, жаңа жұмыс орындарын ашады және елді алға жылжытады. SHANYRAQ тәжірибе алмасу, жаңа идеялармен бөлісу және өсуге қажетті ресурстарды табу алаңын ұсынады.

«Елдің ырғағын саясаткерлер мен шенеуніктер емес, күн сайын бизнес құрып, тәуекелге барып, шешім табатындар белгілейді. Олар – Қазақстанның нағыз тамыры», – деп атап өтті форум ұйымдастырушылары.

Ерекшелігі

• Made in Kazakhstan: тек қазақстандық self-made кәсіпкерлер, инфобизнес жоқ.
  ● Форум қазақ және орыс тілдерінде өтеді, бұл ел кәсіпкерлеріне бизнес-контентке кеңінен қол жеткізуге мүмкіндік береді.
  ● Форумда «суды» сөздер жоқ: тек нақты кейстер мен практикалық құралдар.
  ● Күшті комьюнити: 3000+ қатысушы, кәсіпкерлік рухымен біріктірілген.
  ● Танылған көшбасшылар: өткен жылдардағы спикерлер қатарында – Арманжан Байтасов, Мұхтар Жәкішев, Райымбек Баталов, Динара Сәтжан, Дмитрий Казанцев, Нұрлан Сабуров, Гүлбану Майгарина, Рамиль Мухоряпов, Аида Кауменова, Astana Hub негізін қалаушы Мәжжан Мадиев, Расул Абдуллаев, Ержан Тастамбеков және басқалар.
  ● Нетворкинг: іскерлік байланыстар мен жаңа бірлескен жобаларға арналған басты алаң.

SHANYRAQ 2025 бағдарламасы

Сахнаға өз жобалары арқылы табысын дәлелдеген елдің жетекші кәсіпкерлері шығады:

1. Гульбану Майгарина — Lanzhou мейрамханалар желісінің негізін қалаушы, «Құрмет» орденінің иегері
2. Адиль Тасболатов — Royal Flowers, Crem, Buana негізін қалаушы, жеке өндірісі бар, 500+ қызметкер
3. Улугбек Шарипов — SHOQAN бренді иесі, Forbes «30 under 30» тізімінде, Қазақстандағы №1 бизнес-блогер (YouTube)
4. Самал Асанова — Samal Cakes негізін қалаушы, жеке бренді арқылы бизнесін кеңейткен
5. Ерлик Балфанбаев — Alina Group және Oi-Qaragai негізін қалаушы, Forbes нұсқасы бойынша 2023 жылдың үздік кәсіпкері
6. Максим Барышев — Uchet.kz негізін қалаушы, Respublica партиясының теңтөрағасы
7. Денис Гайворонский — Kulikov Group Кондитерлік үйінің бас директоры
8. Кайрат Боранбаев — кәсіпкер және меценат, ҚР Ұлттық паралимпиадалық комитетінің президенті
9. Алексей Белимов — IT Support Group негізін қалаушы, инвестициясыз $4,3 млн айналымға жеткен бизнес құрушы
10. Маргарита Боярова — Royal Event иесі, SHANYRAQ негізін қалаушы, 2024 жылы 800 млн тг айналым жасаған

«SHANYRAQ — бұл Қазақстанның нағыз кәсіпкерлері туралы. Мұнда теория жоқ, тек практика, тек шынайы оқиғалар мен жұмыс істейтін құралдар бар. Форум еліміздің болашағына және бизнестің күшіне сенім символына айналды», – дейді SHANYRAQ негізін қалаушы Маргарита Боярова.