Азия төрінде триумф: Атырау – чемпион, Қызылорда – қола жүлдегер атанды

2024 жылғы 22-30 қарашада Қытайдың Ханчжоу қаласында волейболды отырып ойнаудан клубтар арасындағы Азия чемпионаты өтті. Бұл жарысқа Қазақстан, Қытай, Австралия, Иран, Жапония және Сауд Арабиясынан командалар қатысты. Қазақстан атынан Атырау және Қызылорда облыстарының клубтары өнер көрсетті.

Жарыстың алғашқы күнінде Қызылорда командасы Сауд Арабиясының клубын 3:0 есебімен жеңіп, сәтті бастады. Атырау командасы да Шанхайдың клубын 3:0 есебімен ұтып, жеңісті жолды жалғастырды. Екінші күні Қызылорда Қытайдың Zhe Jiang клубымен кездесіп, тартысты ойында 2:3 есебімен жеңіліске ұшырады, ал Атырау Австралиялық қарсыластарын 3:0 есебімен айқын жеңді. Үшінші күні Қызылорда командасы Қытайдың Jian Su клубын 3:0 есебімен жеңіп, А тобында екінші орынға шықса, Атырау Қытайдың Akita-Sch командасын жеңіп, Б тобында бірінші орынға ие болды.

Ширекфиналда Қазақстанның екі командасы бір-бірімен кездесіп, Атырау Қызылорданы 3:0 есебімен жеңді. Жарыстың жартылай финалында Атырау Zhe Jiang клубын 3:2 есебімен ұтып, финалға жолдама алды.

Финалда осы қарсыласын 3:2 есебімен тағы да жеңіп, Азия чемпионы атанды. Қызылорда командасы қола жүлде үшін Akita-Sch клубымен кездесіп, 3:0 есебімен жеңіске жетіп, үшінші орынға ие болды.

Осылайша, Атырау командасы Азия чемпионы атағына қол жеткізсе, Қызылорда командасы қола жүлдегер атанып, еліміздің намысын абыроймен қорғады.