Бактериялық вагиноз дегеніміз не және ол өздігінен кетуі мүмкін бе?

Кез келген әйел бактериялық вагинозбен кездеседі. Одан қалай тез арылуға болады?

Бактериялық вагиноз — бұл бактериялардың көбеюінен туындайтын вагинальды инфекция. Әрбір сау қынапта әртүрлі бактериялар бар. Әдетте, бұл бактериялар бір-бірін теңестіреді, бірақ кейде «жаман» бактериялар тым көп көбейіп, «жақсы» бактерияларды тежейді. Бұл қынаптағы микрофлораның тепе-теңдігін бұзады және бактериялық вагинозға әкеледі.

Вагинальдық микрофлораның 90%-дан астамы әдетте лактобактериялар немесе олар Додерлейн таяқшалары деп аталады. Лактобактериялар қынапта сау, сәл қышқыл ортаны түзетін сүт қышқылын шығарады. Мұндай ортада патогендік және шартты патогенді микроорганизмдер (анаэробтар) дами алмайды.

Егер бұл тепе-теңдік бұзылса, әйел белгілі бір ыңғайсыздықты сезіне бастайды.

TopDoc.me бактериялық вагиноз туралы ең жиі қойылатын сұрақтарға жауап береді.

Кез келген әйел бактериялық вагинозбен ауыруы мүмкін. Бактериялық вагиноз 15 пен 44 жас аралығындағы әйелдерде жиі кездесетін вагинальды мәселе. Әрбір әйел өмірінде кем дегенде бір рет осы аурумен бетпе-бет келген деп айта аламыз. Бұл әдетте жыныстық қатынаста белсенді әйелдерде кездеседі.

Сізде вагинозды жұқтыру қаупі жоғары, егер:

• Сізде жатырішілік спираль бар;
• Сізде бірнеше жыныстық серіктестер бар;
• Сізде жаңа жыныстық серіктес бар;
• Сіз презервативтерді қолданбайсыз;
• Сіз жүктісіз;
• Сіз спринцевания жасайсыз, спермицидтерді қолданасыз;
• Сіз антибиотиктерді ұзақ уақыт бойы қабылдайсыз.

Сонымен қатар, бактериялық вагинозға ұзақ мерзімді стресс, иммунитеттің төмендеуі, синтетикалық іш киім кию, күнделікті қолданылатын төсемдерді шамадан тыс пайдалану ықпал етеді.

Бактериялық вагиноздың белгілері қандай?

Әйелдердің 80%-дан астамында бактериялық вагиноздың белгілері жоқ. Қалғандарында пайда болады:

• Ақшыл, сұр немесе жасыл түсті вагинальды бөліністер;
• Балық иісі бар вагинальды бөлініс, әсіресе жыныстық қатынастан кейін;
• Қынаптың қышуы немесе тітіркенуі;
• Зәр шығару кезінде жану сезімі.

Назар аударыңыз! Бұл белгілер басқа инфекцияларда, соның ішінде ауыр инфекцияларда да кездеседі, сондықтан диагнозды анықтау үшін — бұл бактериялық вагиноз немесе басқа ауру — гинекологпен кеңесу маңызды.

Бактериялық вагинозды қалай жұқтыруға болады?

Қынапта бактериялардың көптеген түрлері үнемі кездеседі (мұның бәрі микробиома деп аталады). Бактериялардың тепе-теңдігінің өзгеруі бактериялық вагинозды тудырады — «жаман» бактериялар (анаэробтар) «жақсы» бактерияларға (лактобактерияларға) қарағанда тезірек көбейеді. Осылайша, бактериялық вагинозды бассейнде, унитаздың орындықтан, моншадағы сөреден немесе басқа беттен жұқтыра алмайсыз. Бірақ қорғалмаған жыныстық қатынас немесе спринцевание жасау сияқты әрекеттер вагинозға әкелуі мүмкін. Бактериялық вагиноз адамнан адамға берілмейді және жыныстық жолмен берілетін инфекция болып саналмайды, бірақ жыныстық қатынас инфекция қаупін арттырады.

Бактериялық вагиноз бен «молочница» (кандидоз) арасындағы айырмашылық неде?

Бактериялық вагиноз да, ашытқы инфекциясы да вагинальды инфекциялар болып табылады. Олардың ұқсас белгілері бар, атап айтқанда бөліністер, бірақ айырмашылықтары да бар.

Бактериялық вагинозда бөлініс «балық» иісіне ие, ал кандидозда — бөлініс “сүзбе” тәрізді және өткір иісі жоқ. Сонымен қатар, бактериялық вагиноз әдетте қынаптың тітіркенуін тудырмайды, ал молочница тітіркену мен қышумен сипатталады. Бактериялық вагинозды тек гинеколог анықтай алады. Егер сіз инфекцияның қандай да бір белгілерін байқасаңыз, дәрігерге хабарласыңыз. Бөліністі тексеру және талдау негізінде гинеколог диагноз қойып, ем тағайындайды.

Бактериялық вагинозды қалай емдеуге болады?

Емдеуді тек гинеколог тағайындай алады. Әдетте дәрі-дәрмектер таблеткалармен және қынапішілік препараттар түрінде тағайындалады. Сіздің ісіңіз — барлық нұсқауларды орындау және симптомдар жойылса да, дәрі-дәрмектерді қабылдауды тоқтатпау. Әйтпесе, вагиноз кейін де бірнеше рет қайталанады немесе одан да жаманы ауыр инфекцияға айналады.

Емдеу аяқталғанға дейін жыныстық қатынасқа тыйым салынады.

Бактериялық вагиноз өздігінен кетуі мүмкін бе?

Бактериялық вагиноздың кейбір жағдайлары дәрі-дәрмексіз өздігінен кетеді. Алайда, егер симптомдар пайда болса, міндетті түрде дәрігермен кеңесу керек. Неліктен? Бактериялық вагиноз басқа инфекцияларға «қақпаны ашады», сонымен қатар жүктілікке теріс әсер етеді.

Вагинозды халықтық емдеу әдістерімен емдеуге бола ма?

Бактериялық вагинозды емдеуге арналған үй дәрі-дәрмектері немесе халықтық емдеу құралдары жоқ. Бірақ аурудың өршуі үшін — бар. Әр түрлі спринцеваниялар жасау немесе шаю жағдайды нашарлатып, одан да үлкен проблемаларға әкелуі мүмкін.

Бактериялық вагиноз қанша уақытқа созылады?

Ем басталғаннан кейін қалпына келу әдетте 7-10 күнді алады. Алайда, зардап шеккендердің он пайыздан астамы екі рет емделуге мәжбүр болады.

Бактериялық вагиноздың алдын алу қандай?

Бактериялық вагиноздың алдын алу 100% мүмкін емес, бірақ оның қаупін азайтуға болады.

• Спринцеваниеден аулақ болыңыз — бұл қынаптағы бактериялардың табиғи тепе-теңдігін өзгертеді. Интимдік аймақты күту үшін су мен бейтарап сабын жеткілікті.
• Жыныстық серіктестердің жиі ауысуы денсаулыққа да зиян тигізеді. Тұрақты байланыс көптеген аурулардың, соның ішінде бактериялық вагиноздың қаупін азайтады.
• Презервативтерді қолдану, әсіресе жаңа серіктеспен, өте қажет.
• Мақта іш киімі және күнделікті төсемдерді үнемі қолданбау қынаптың микрофлорасына да пайдалы әсер етеді.

Бактериялық вагинозбен бірнеше рет ауыру мүмкін бе?

Өкінішке орай, әйелдердің 80%-да бактериялық вагиноз қайталанады.

Бактериялық вагиноздың асқынулары бар ма?

Егер емделмеген жағдайда, бактериялық вагиноз мыналарды тудыруы мүмкін:

• Жүктілік кезіндегі асқынулар (мерзімінен бұрын босану, нәрестедегі инфекциялар);
• Хламидиоз, гонорея және басқа жыныстық жолмен берілетін инфекциялар;
• Жамбас мүшелерінің қабыну аурулары (кольпит, вагинит, вульвит, сальпингит және т.б.).

Дайындаған: Нурпейосав Г.М., Сагымбекова Б.