Бүгін Қытай елінде Юйшуй (雨水) маусымының басталды

Ел арасында Юйшуй (雨水) немесе «Жауын суы» деп аталатын кезең Қытайдың ауыл шаруашылығы күнтізбесінің 24 маусымының екіншісі. Бұл кезең қысқы салқындықтың бірте-бірте тоқтауын және табиғаттың көктемгі оянуын білдіреді.

Осы мезгілде, әсіресе Қытайдың оңтүстігінде, аздап жауын-шашын байқалады, бұл өсімдіктердің өсуіне және топырақтың ылғалдануына ықпал етеді. Күн сәулелері жылынып, күндер ұзаруда, ал табиғат қысқы ұйқыдан ояна бастайды.

Қытай дәстүрлі медицинасына сәйкес, «Юйшуй» маусымында көкбауыр денсаулығына ерекше көңіл бөлінеді. Тан дәуіріндегі атақты қытай дәрігері Сунь Сымяо (孙思邈, 581–682 жж.) былай деген: «Көктемде көкбауырдың Ци деңгейін қамтамасыз ету үшін қышқыл тағамдарды тұтынуды азайтып, тәтті тағамдарды тұтынуды көбейту керек»

Осы маусымда ұсынылатын «тәтті» өнімдер қатарына күріш, арпа, жүгері, картоп және басқа да дәнді дақылдар жатады. Бұл өнімдер организмдегі энергия тепе-теңдігін ұстап, денсаулықты нығайтуға көмектеседі.

«Юйшуй» маусымы Қытай мәдениетінде маңызды кезең болып табылады, ол адамның табиғатпен үйлесімділігін және ұрпақтан ұрпаққа беріліп келе жатқан ғасырлық дәстүрлерді бейнелейді.