Егемендік пен экономикалық тұрақтылық – тұрақты даму кепілі

2025 жылдың қаңтарында «Ана тілі» газетінде Қазақстан Республикасының Президенті Қасым-Жомарт Тоқаевтың «Мақсатым – экономиканы және егемендікті нығайту» атты сұхбаты жарияланды. Бұл сұхбат елдің өткен жылғы жетістіктерін қорытындылап, алдағы жылға жоспарларды анық көрсеткен маңызды құжат деп есептеймін.

Бұл мақаланы әл-Фараби атындағы Қазақ Ұлттық Университеті заң факультетінің қылмыстық құқық, қылмыстық іс жүргізу және криминалистика кафедрасы талдап, оның маңыздылығын атап өтті. Инфрақұрылымдық жобалар, әлеуметтік қолдау шаралары, ауыл шаруашылығы мен өнеркәсіптік жетістіктер – мұның бәрі елдің тұрақты даму жолындағы тың серпінінің айғағы. Мәселен, 7 мың шақырым жол жөнделіп, жаңа әуежай терминалдарының іске қосылуы ел экономикасының өсуімен қатар азаматтардың өмір сапасын жақсартуға бағытталған нақты қадамдар екенін көрсетеді. Бұл – халық үшін жасалған маңызды жұмыстардың айқын нәтижесі.Сонымен қатар, өткен жылдың ең ауыр сынағы – су тасқыны оқиғасы ерекше назар аудартты. Табиғи апаттың салдарын жою кезінде мемлекет пен халықтың бірлігі ерекше байқалды. Бұл жағдай еліміздің кез келген қиындықты еңсеруге дайын екендігін көрсетті.

Президенттің экономиканы әртараптандыруға және егемендікті нығайтуға баса назар аударуы – өте дұрыс бағыт. Өнеркәсіп пен ауыл шаруашылығында орын алған табыстар осыған дәлел. Атап айтқанда, қайта өңдеу секторының дамуы және астық жинаудағы рекордтық көрсеткіш – үлкен жетістік. Мұндай нәтижелерге жету үшін жүйелі жоспар мен мемлекеттік қолдау аса маңызды.Әлеуметтік қолдау саласындағы бастамалар да елдің болашағына зор үлес қосады. «Ұлттық қор – балаларға» бағдарламасының іске қосылуы, зейнетақы мен жалақының көбеюі, жаңа мектептер мен университет бөлімшелерінің ашылуы – халықтың әл-ауқатын жақсартуға бағытталған қадамдар. Бұл – болашақ ұрпақ үшін жасалған ұзақмерзімді инвестиция.Бұл сұхбатта еліміздің тұрақты дамуы үшін жасалған жұмыстар мен алдағы міндеттер нақты әрі жүйелі түрде көрсетілген. Экономиканы нығайту, халықтың әл-ауқатын арттыру және елдің егемендігін сақтау бағытындағы бастамалар Қазақстанды жаңа биіктерге көтеретініне сенімдімін.Елдің дамуы – әрбір азаматтың ортақ мақсаты. Сондықтан біз осы жетістіктерді одан әрі нығайтуға және еліміздің болашағына үлес қосуға дайын болуымыз керек. Бұл сұхбат елдің жаңа кезеңге аяқ басқанын айқындайтын бағдарлама іспетті.Президенттің стратегиялық бағыттары Қазақстанды жаңа белестерге шығаратынына сенім мол. Бұл реформалардың барлығы тек экономиканы ғана емес, сонымен қатар халықтың игілігі мен елдің халықаралық беделін нығайтуға ықпал ететіні анық.Елдің жетістігі – әрқайсымыздың ортақ жеңісіміз. Сондықтан осындай оң өзгерістерге қолдау білдіріп, өз үлесімізді қосу – әрбір азаматтың парызы деп білемін.

Әл-Фараби атындағы ҚазҰУ

Заң факультетінің қылмыстық құқық,

қылмыстық іс жүргізу және

криминалистика кафедрасының

Phd докторы, доцент С.Б. Дүзбаева.

Әл-Фараби атындағы ҚазҰУ

Заң факультетінің қылмыстық құқық,

қылмыстық іс жүргізу және криминалистика

кафедрасының аға оқытушысы А.Ж. Жақыш.

Әл-Фараби атындағы ҚазҰУ

Заң факультетінің қылмыстық құқық,

қылмыстық іс жүргізу және криминалистика

кафедрасының оқытушысы Р.Б. Тұрысбек