inDrive ұсынған бизнеске арналған қосымша мүмкіндіктер пайда болды

• Master Delivery өзінің технологиялық шешімдері мен тәжірибесімен inDrive-қа қосылады.
• Мәміле inDrive-қа шағын және орта бизнес өкілдерін ғана емес, сонымен қатар ірі корпоративтік клиенттерге жүк және курьерлік тасымалдау қызметтерін көрсетуге мүмкіндік береді. Қазақстан негізгі нарықтардың бірі ретінде inDrive назарында.

inDrive мобильді және қалалық қызметтердің жаһандық платформасы inDrive.Жүк тасымалы және inDrive.Курьер үшін жаңа шешімдерді енгізу арқылы B2B қызметтерін кеңейтеді..

Жақында inDrive тұтынушыға соңғы жеткізіліммен айналысатын Master Delivery (MD) – SaaS платформасымен мәмілені аяқтады. Жаһандық экспансияға жауапты MD командасы inDrive-қа қосылады, бұл компанияның осы сегментті дамыту мүмкіндіктерін нығайтуға мүмкіндік береді. Мәміле сонымен қатар MD эксклюзивті технологиясын сатып алуды және оны Қазақстан аумағында жұмыс істейтін бизнес үшін қолданыстағы ұсынысқа біріктіруді қамтиды.

Жаңа команда inDrive жұмысына өз сараптамасын, тәжірибесін және патентпен қорғалған технологияларын – жеткізуді басқарудың бірегей шешімдерін, тапсырыстарды жинауды, жөнелту алгоритмдерін және сұранысты болжау шешімдерін енгізеді.

inDrive бизнес клиенттердің ерекше қажеттіліктеріне сапалы жауап беру үшін B2B қызметтерін кеңейтеді. Компания бірыңғай бизнес-аккаунтты, уақтылы жеткізу кепілдігі бар қызмет көрсету деңгейі туралы келісімді (SLA), курьерлік қызметті басқару жүйесін, шоғырландырылған аналитиканы және т.б. қамтитын бизнес-аккаунттар сияқты бірқатар жаңа функцияларды енгізуді жоспарлап отыр. Бірқатар бизнеске бағытталған құралдардың арқасында inDrive шағын және орта бизнеске жоғары қызмет көрсете алады және жылдамдық, сенімділік және сапа шешуші рөл атқаратын корпоративтік жеткізу нарығында мүмкіндіктерін кеңейтеді.

Даниил Петин, inDrive мобильді қызметтерін дамыту жөніндегі вице-президенті: 

«inDrive-та біз бизнес-клиенттерге қызмет көрсетуде табысқа жеттік. Біз inDrive.Курьерлер қызметтеріне шағын және орта бизнес арасында жоғары сұранысты байқаймыз, олар тауарды қоймадан соңғы тұтынушыға дейін жеткізетін «Соңғы миль» курьерлік жеткізілімін қамтамасыз етеді. Ай сайын біз 39 елде 160 мыңнан астам кәсіпкерге қызмет көрсетеміз. inDrive.Жүк тасымалы бүкіл әлем бойынша екі жүз мыңға жуық B2B клиенттері үшін қалааралық жүк тасымалдау қызметтерін ұсынады. Біз шағын автобустардан жартылай тіркемелер мен тоңазытқыш камералары бар көліктерге дейін көліктердің кең ауқымын пайдаланамыз.

Біз inDrive және MD командаларының білімі мен дағдыларын біріктіруден үлкен әлеуетті көріп отырмыз. Бізде жаһандық қамту және қызметтерді жаңа нарықтарға масштабтау тәжірибесі бар. Ал MD-да 30-40 минут ішінде корпоративтік деңгейдегі қызметтерді жылдам ұсынуға мүмкіндік беретін және тапсырыстарды 95% уақытында орындайтын технология бар. Бұларды біріктіру бізге бизнес үшін ұсынысымызды жылдам әрі айтарлықтай арттыруға мүмкіндік береді.

Бұл мәміле inDrive-та белсенді инвестициялар мен сатып алулардың жаңа дәуірін ашады. Компания келешегі зор стартаптармен, әсіресе дамушы елдермен жұмыс істеуге ұмтылады»