Испания Премьер-министрі Педро Санчеспен кездесті

Си Цзиньпин әлемде ғасырда бір рет болатын өзгерістердің үдеп жатқанын атап өтіп, қазіргі күрделі геосаяси жағдайда Қытай мен Испания арасындағы тұрақты әрі сенімді қарым-қатынастардың маңызын ерекше айтты.

Биыл екі ел арасындағы жан-жақты стратегиялық әріптестіктің 20 жылдығы аталып өтуде. Си Қытайдың Испаниямен жаңа қуатты әрі серпінді серіктестік құруға дайын екенін жеткізді.

Төраға Си Қытай мен Испания достығының — тарихи сенім мен ұзақ мерзімді мүдделерге негізделген дана шешім екенін атап өтті. Ол егемендік пен аумақтық тұтастық мәселелерінде өзара қолдауды жалғастыруды ұсынды.

Қытайдың 1,4 млрд халқы үшін тұтыну нарығы мен өндірістік әлеуеті әлемдік экономикаға үлкен серпін бере алады. Осы ретте, жаңа энергетика, жоғары технология және ақылды қалалар салаларындағы ынтымақтастық мүмкіндіктері ерекше аталды.

Екі ел жастары арасындағы алмасуды кеңейту, «Қытай Жаңа жылы» секілді жаңа мәдени жобаларды бастау, Олимпиада мен пандалар аясындағы достықты жалғастыру ұсынылды.

Санчес Испанияның «біртұтас Қытай» ұстанымын қолдайтынын, Қытаймен барлық деңгейде қарым-қатынасты нығайтқысы келетінін айтты. Ол ЕО-Қытай ынтымақтастығына қолдау білдіріп, сауда соғыстарының ешбір жаққа пайда әкелмейтінін атап өтті.

Екі тарап Украина дағдарысы бойынша пікір алмасты. Кездесуге Қытай СІМ басшысы Ван И де қатысты.

Фотосурет: www.idcpc.gov.cn

Telegram-канал: Xi Jinping 🤝 Pedro Sánchez: A New Chapter in China–Spain Ties