Қазақстан ТЖМ өз тікұшақ техникасы паркін жаңартуда

Қазақстан Республикасы Төтенше жағдайлар министрлігінің авиациясы жаңа Airbus Helicopters H145 D3 тікұшағын алды. Ол «Қазавиақұтқару» АҚ жаңартылатын әуе кемелері паркінің бір бөлігі болады.

«Airbus Helicopters Kazakhstan Engineering» бас директоры Сесиль Арно жаңа әуе кемесінің кілттерін салтанатты түрде Қазақстан Республикасының Төтенше жағдайлар министрі генерал-майор Шыңғыс Әріновке табыс етті. H145 D3 тікұшағы іздеу-құтқару, орман және табиғи өрттерді сөндіру және басқа да маңызды төтенше жағдайларды жою міндеттерін қоса алғанда, көптеген тапсырмаларды орындау үшін таңдалды.

  «Авиациялық паркті жаңарту — біздің қызметтеріміздің тиімділігін арттырудың стратегиялық міндеті. Біз әр өңірде авиациялық жасақтар құруды жоспарлап отырмыз, бұл төтенше жағдайларға жедел ден қоюға мүмкіндік береді», – деп Шыңғыс Әрінов атап өтті.

ТЖМ басшысы заманауи тікұшақтарды пайдалану үшін кадрлар даярлаудың, сондай-ақ шұғыл қызметтердің авиациясына инновациялық технологияларды енгізудің маңыздылығын атап өтті.

H145 D3 тікұшағы әртүрлі климаттық жағдайларда қолайлы маневр жасап, тез арада бейімделеді. Бұл тиімділік пен дәлдікті қажет ететін барлық жағдайларда жұмыс істеудегі керемет таңдау. Ол заманауи шұғыл медициналық жабдықтармен, өртті сөндіруге арналған су төгу құрылғысымен (сыйымдылығы 1000 литр), сондай-ақ су айдындарында жұмыс істеуге арналған құтқару цилиндрлерімен жабдықталған.

Тікұшақтың басты артықшылықтарының бірі – түнгі операциялар мен көріну мүмкіндігі шектеулі жағдайда тиімді жұмыс істей алатын қуатты прожекторы. Бұл оның кез келген қолайсыз жағдайларда жұмыс істеуге процессін  едәуір кеңейтеді.

  «H145 D3 тікұшағын алу Қазақстан ТЖМ авиациялық паркін жаңғырту бағдарламасы аясындағы маңызды қадам болып табылады. 2024 жылы біздің авиация авариялық-құтқару операцияларын жүргізу, өрттерді сөндіру және оқу– жаттығуларға қатысу үшін 2537 ұшу жасады», — деді «Қазавиақұтқару» АҚ бас директоры Алпамыс Камалов.

Кездесуде Қазақстанда тікұшақ саласын дамыту перспективалары, оның ішінде H160 тікұшағын кейіннен өндірісті оқшаулауға бейімдеу мәселелері талқыланды.

ТЖМ өз ресурстарын нығайтуды және төтенше жағдайларға ден қою тиімділігін арттыруды жалғастыруда. Жаңа H145 D3 тікұшағы адам өмірін құтқару мен Қазақстан азаматтарының қауіпсіздігін қамтамасыз ету үшін таптырмас құрал болады.

Қазақстан Республикасы Төтенше жағдайлар министрлігі