Қазақстандық жастар делегациясы Үндістанға ғылыми-танымдық сапарға қатысты

5-13 наурыз аралығында Қазақстан мен Орталық Азияның басқа да елдерінен жастардың 100 көшбасшысы үнді тарапының бастамасымен арнайы білім және тәжірибе алмасу мақсатында Үндістанға барды.

Осы ғылыми-танымдық сапарға Орталық Азияның әр бес елінен: Қазақстан, Өзбекстан, Тәжікстан, Түрікменстан және Қырғызстаннан 20 өкіл қатысты. Ал сапардың өзі 2022 жылдың қаңтарында өткен «Үндістан — Орталық Азия» бірінші саммитінің «жаңғырығына» айналғандай болды. Мұндай өзара әрекеттесудің басты мақсаты — елдер арасындағы байланыстарды нығайту және Орталық Азияның жас тұрғындарына қазіргі Үндістанның көпқырлы дамуы мен мәдениетін өз көздерімен көруге мүмкіндік беру.

Саммит барысында қатысушылар дәстүрлі туризмнің шеңберінен сәл шығып, Үндістанның технологиялық жетістіктері мен мәдени мұрасының байлығы тығыз байланысқан инновациялық Үндістан туралы көбірек білді. Олар Ұлттық сот-медициналық сараптама университетінде, IIM Ahmedabad университетінде және тоқыма өнеркәсібі университетінде, Ғарыштық қосымшалар орталығында (SAC) болды.

«Красный Форт», Кутуб-Минар және Тадж-Махал сияқты тарихи орындарға барумен және Үндістанның жоғары лауазымды тұлғаларымен танымдық сұхбаттармен қатар жүрген беделді зерттеу институттарымен өзара әрекеттесу  саммит қатысушыларына Үндістан, оның мәдениеті мен дамуы туралы өз көзқарастарын қалыптастыруға мүмкіндік берді.

Ұйымдастырушылар осы тарихи кездесу ндістан мен Орталық Азия арасындағы алтын көпірге айналып, соның арқасында адамдар арасында тығыз қарым-қатынас орнайды деп үміттенеді, өйткені делегаттар үйлеріне қазіргі Үндістан туралы терең пайыммен оралды. Бұл сапар Үндістанның стратегиялық, экономикалық және даму салаларындағы берік серіктестікті нығайтуға бейілділігін және осы өңірдегі және одан тыс жерлердегі ортақ өркендеу, тұрақтылық пен сенімділік үшін өзара тиімді серіктестікке дайындығын айқын көрсетті.