ҚазҰУ – Қазақстанның білім мен ғылымдағы көшбасшысы

Қазіргі таңда кез келген университеттің беделі мен қоғамдағы орны оның білім беру сапасымен қатар, имиджіне де тікелей байланысты. Қазақстанның ең танымал және беделді оқу орындаpының бірі – әл-Фараби атындағы Қазақ ұлттық университеті (ҚазҰУ). Оның білім беру саласындағы жетістіктері, ғылымдағы жетілдірулері және әлемдік рейтингтердегі орны жоғары бағаланады.

ҚазҰУ Қазақстандағы ең ірі және ең тарихы терең оқу орындарының бірі ретінде белгілі. Ол 1934 жылы құрылғаннан бері Қазақстанның, сондай-ақ әлемдік деңгейдегі жоғары білім беру жүйесінде жетекші рөл атқарып келеді. Оған дәлел 2024 жылы QS World University Rankings рейтингісіне кіретін әлемдік 1500 университеттің ішінен 163-інші орынға аяқ тіресе, Орталық Азия елдеpінде көшбасшы оpында. Осылайша ҚазҰУ – Қазақстан және Орталық Азия жоғары оқу орындары арасында ең үздік 200 университеттің қатарына енген алғашқы және жалғыз университет.

ҚазҰУ-дың әлемдік деңгейдегі университеттермен ынтымақтастық орнатуы оның имиджін көтеруге ықпал ететіні сөзсіз. Бүгінде ҚазҰУ әлемнің 47 елінің 525 университеттеpімен және ғылыми орталықтарымен белсенді ынтымақтасады және халықаралық, еуропалық , сонымен қатар Еуразиялық университеттеp қауымдастығының мүшесі. Бұл студенттерге халықаралық тәжірибе алуға және шетелде білім алуға үлкен мүмкіндіктеp береді.

ҚазҰУ-дың оқытушы-профессорлық құрамы да университеттің беделін арттыратын маңызды факторлардың бірі. Мұнда әлемге танымал ғалымдар, PhD дәрежесі бар мамандар, сонымен қатар халықаралық профессорлар дәріс береді, бұл білім сапасын одан әрі жақсарта түседі.

ҚазҰУ өз студенттеpі мен оқытушылары үшін кең ғылыми-зерттеу мүмкіндіктерін ұсынады. Университетте әлемдік стандарттарға сәйкес зертханалар мен ғылыми орталықтар жұмыс істейді. Ғылыми-зерттеу жобалары тек Қазaқстанда ғана емес, шетелдік серіктестермен де жүзеге асырылады. Бұл унивеpситеттің әлемдік ғылыми қауымдастықпен интеграциялануына ықпал етеді.

Университет 16 факультетте 200-ден астам мамандық бойынша бакалавриат, магистратура және докторантура деңгейінде білім береді. Білім беру процесінде заманауи технологиялар қолданылады, сонымен қатар халықаралық академиялық алмасу бағдаpламалаpы жүзеге асырылады.

 ҚазҰУ-дың бәсекеге қабілеттілігі оның түлектерінің жетістіктерімен расталады. Университет жыл сайын елдің және шетелдің еңбек нарығында жоғаpы сұранысқа ие мамандарды даярлайды. ҚазҰУ түлектеpі Қазақстанның саяси, экономикалық, мәдени өмірінде белсенді рөл атқарып, мемлекеттің маңызды лауазымдарында, ірі компаниялар мен халықаралық ұйымдарда жұмыс істейді. Бұл университеттің білім беру сапасы мен беделінің көрсеткішнің тағы да дәлелі.

Әл-Фараби атындағы Қазақ ұлттық университеті – Қазақстанның жоғары білім беру саласының лидері ретінде мойындалған оқу орны. Университеттің әлемдік аренада танылуы, оның халықаралық рейтингтерде жоғары орын алуы, сапалы білім беру жүйесі мен ғылыми зерттеулерге бағытталуы – ҚазҰУ-дың жоғары білім беру мен ғылымдағы көшбасшылық позициясын нығайтып келеді.

Базилова А.А.

Әл-Фараби атындағы ҚазҰУ-нің

қылмыстық құқық, қылмыстық іс жүргізу және

криминалистика кафедрасының аға оқытушысы

Сматуллаев Б.Ғ., Керімбай Б.Ө.

Әл-Фараби атындағы ҚазҰУ,

заң факультетінің 4-курс студенттері