Қытайдың Алматыдағы Бас консулдығы ҚХР құрылғанына 75 жыл толуын атап өтті

Алматы қаласындағы Қытай Халық Республикасының құрылғанына 75 жыл толуына орай ҚХР Бас консулдығының ұйымдастыруымен салтанатты шара өтті.

Қытайдың Алматыдағы Бас консулы Цзян Вэй ханым өз сөзінде елдің 75 жыл ішінде қол жеткізген тамаша жетістіктерін атап өтіп, Қытайдың әрқашан реформалар мен ашықтық саясатын ұстанып, тұрақты экономикалық өсімге қол жеткізгенін, соңғы 11 жылда Қытайдың жаһандық экономикалық өсімге қосқан үлесі орташа есеппен 30 пайыздан асқанын атап өтті.

Цзян ханым Қытайдың кедейшілікпен күресу және әлеуметтік қамсыздандыру жүйесін құрудағы күш-жігеріне де назар аударды. «Қытай тарихи түрде абсолютті кедейлікті жойып, 100 миллионға жуық ауыл тұрғындарын төтенше кедейліктен шығарды», — деді консул ханым. Бұл тұрғыда ол халықтың өмір сүру сапасын жақсартуға септігін тигізген білім мен денсаулық сақтау саласындағы елеулі жетістіктерге тоқталды.

Технологиялық жетістіктер туралы айта келе, консул әлемдегі алғашқы 6G спутнигінің ұшырылғанын және атом энергетикасы мен электрлі көліктер саласындағы жетістіктермен бөлісті.

«Қытайдың инновациялық энергетиканың өсуі жоғары сапалы дамуға белсенді түрде ықпал етеді. Жаһандық ынтымақтастықтың маңыздылығына да аса мән беріледі. Қытай экономиканың инклюзивті жаһандануын жақтайды және Қазақстанмен бірлескен даму үшін ынтымақтасуға дайын», — деді Цзян Вэй.

Шарада Huawei озық технологиялар, соның ішінде голографиялық кескіндер мен жасанды интеллект саласындағы жетістіктерін таныстырып, қонақтардың үлкен қызығушылығын тудырды. Голографиялық 3D технологиясы шынайы стереоскопиялық кескіндерді жасайды, ал New Calling шешімдері лезде аударма мен интерактивті мүмкіндіктерді қоса алғанда, бірегей байланыс тәжірибесін ұсынады.

Сөзінің соңында консул ханым Қытай мен Қазақстан арасындағы қарым-қатынастардың одан әрі тереңдей түсетініне сенім білдірді: «Біз Қытай мен Қазақстан арасындағы тағдырлас қоғамдастықты құру арқылы даму мен өркендеудің тарихи мүмкіндігін пайдалануға дайынбыз»

Мерекелік шараға 500-ге жуық адам қатысты, оның ішінде ҚР Сыртқы істер министрлігінің өкілдері, Алматы облысының әкімі, консулдық мекемелер, халықаралық ұйымдар, БАҚ өкілдері, Қытай компаниялары, диаспора және студенттер бар.

«Бүгін біз Қытай Халық Республикасының құрылғанына 75 жыл толуын атап өту үшін жиналдық. Экономикалық, ғылыми және мәдени дамудағы керемет жетістіктерді көрсетіп, көптеген елдерге, соның ішінде Қазақстанға да үлгі бола білді. 2023 жылы Алматы облысы мен ҚХР арасындағы тауар айналымының көлемі 1,1 млрд АҚШ долларын құрады. Біз байланыстарымызды тереңдетуге және өсу мен табысқа қосымша мүмкіндіктер жасауға көмектесетін жаңа бастамаларға дайынбыз. Ынтымақтастық – бұл сапарымыздың басы ғана, ал бізді жаңа белестер күтіп тұр» — деп атап өтті Алматы облысының әкімі Марат Сұлтанғазиев өз құттықтау сөзінде.