Салауатты ұрпақ ұлт болашағы

Әл-Фараби атындағы Қазақ ұлттық университеті  БҰҰ-ның Тұрақты даму мақсаттарын жүзеге асыруға белсенді қатысады. Заң факультеті азаматтық құқық және азаматтық іс жүргізу, еңбек құқығы кафедрасы ТДМ 3 — «Барлық жастағы адамдардың денсаулығы мен жақсы хал-ахуалын қамтамасыз ету» мақсатында маңызды қадамдар атқарып, білім алушылар мен оқытушыларды денсаулық сақтау, өмір сапасын жақсарту мәселелерінде белсенді түрде хабардар етіп отыр.

Бұл мақсатты талқылау және оның маңыздылығын студенттер арасында насихаттау кафедраның басты міндеттерінің бірі болып табылады. Денсаулық сақтау мен өмір сапасын жақсарту адамзаттың дамуында маңызды факторлардың бірі екені баршаға мәлім.Бұл мақсатты жүзеге асыру үшін университет бірқатар іс-шараларды өткізеді, оның ішінде білім алушылармен ашық диалог жүргізу, оларды денсаулық сақтау мен өмір сапасын жақсарту мәселелерінде ақпараттандыру және университет ішіндегі денсаулық сақтау бағдарламаларын дамыту. Әр жыл сайын университетте студенттер мен оқытушыларға арналған арнайы ақпараттық кездесулер мен семинарлар өткізіліп, денсаулық сақтау мен өмір сапасын жақсарту мәселелері талқыланады. Бұл кездесулерде сарапшылар мен дәрігерлер студенттерге салауатты өмір салты туралы кеңестер береді, денсаулықты сақтау үшін қандай шаралар қабылдау керектігі жөнінде пікірлер мен ұсыныстар айтады.Сондай-ақ, студенттер мен оқытушыларға денсаулық сақтау жүйесіндегі ең соңғы жаңалықтар мен өзгерістер туралы ақпарат ұсынылады. Бұл өз кезегінде студенттерге денсаулық сақтау мәселелерінде дұрыс шешім қабылдауға көмектеседі және оларды денсаулықты сақтау мен жақсарту үшін қажетті қадамдарды жасауға ынталандырады.

Оқу ордамызда білім алушылардың денсаулығын сақтау және өмір сапасын арттыру үшін түрлі бағдарламалар мен жобалар жүзеге асырылуда. Университетте спорттық іс-шаралар, денсаулық сақтау бойынша тренингтер мен дәрістер өткізіледі. Студенттерге салауатты өмір салтын ұстану, дұрыс тамақтану, стресспен күресу және дене шынықтыру жаттығуларын жасау сияқты мәселелер бойынша ақпараттар беріліп, практикалық кеңестер ұсынылады. Денсаулық сақтау саласындағы білім беру бағдарламалары студенттердің денсаулығына байланысты мәселелерді жан-жақты талқылауға және студенттердің осы бағытта дұрыс шешімдер қабылдауға қабілетті болуына мүмкіндік береді. Сонымен қатар, университетте психологиялық қолдау қызметі де белсенді жұмыс істейді, бұл студенттердің психикалық денсаулығын сақтауға көмектеседі.

Қара шаңырақ тек ішкі бағдарламалар мен іс-шараларды ұйымдастырып қана қоймай, денсаулық сақтау саласындағы халықаралық ұйымдар мен мекемелермен де ынтымақтастық орнатуда. Бұл ынтымақтастық студенттерге әлемдік деңгейдегі білім мен тәжірибе алмасу мүмкіндігін береді. Университет халықаралық денсаулық сақтау және өмір сапасын жақсарту саласындағы конференцияларға қатысып, әлемнің әр түрлі елдеріндегі тәжірибелерді зерттеп, оларды Қазақстандағы студенттер мен оқытушылар арасында таратуға ұмтылады. ҚазҰУ студенттері тек білім алып қана қоймай, өздерінің қоғамдық жауапкершіліктерін де сезінеді. Олар университеттің әлеуметтік жобаларына қатысып, денсаулық сақтау мен өмір сапасын жақсарту тақырыбында түрлі іс-шаралар мен акцияларды ұйымдастырады. Студенттер арасында салауатты өмір салты туралы ақпаратты тарату мақсатында әртүрлі флешмобтар, марафондар мен денсаулық фестивальдері өткізіледі.Бұл жобалар студенттерді қоғамдағы денсаулық сақтау мәселелеріне бейімдейді, олардың белсенді өмір салтын ұстануға ынталандырады және өмір сапасын жақсарту үшін әрбір адамның өз үлесін қоса алатындығын көрсетеді.

Заң факультеті азаматтық құқық және азаматтық іс жүргізу, еңбек құқығы кафедрасы денсаулық сақтау және өмір сапасын жақсарту мақсатында болашақта көптеген жаңа бастамалар мен бағдарламаларды жүзеге асыруды жоспарлап отыр. Бұл бастамалар студенттердің денсаулығын сақтап, қоғамда денсаулық мәселелеріне назар аударуға бағытталған болады. Университетте денсаулық сақтау бойынша білім беру бағдарламаларының ауқымы кеңейтіліп, студенттердің денсаулығы мен әл-ауқатын арттыру үшін жаңа тәсілдер енгізіледі. Әл-Фараби атындағы Қазақ ұлттық университеті Тұрақты даму мақсаттарының 3-ші бағыты – денсаулық сақтау мен өмір сапасын жақсарту бағытында маңызды жұмыстар жүргізіп келеді. Білім алушылармен осы тақырыпта талқылаулар өткізу, олардың денсаулығына және жалпы өмір сапасына қатысты мәселелерді шешуге көмектесу университеттің әлеуметтік жауапкершілігінің бір бөлігі болып табылады. ҚазҰУ студенттерге тек білім берумен ғана шектелмей, оларды қоғамның пайдалы және жауапкершілігі жоғары мүшелері етіп тәрбиелеуге күш салып, денсаулық сақтау және өмір сапасын жақсартудың маңыздылығын үздіксіз насихаттап келеді.

Г.Г. НУРАХМЕТОВА,

әл-Фараби атындағы ҚазҰУ

Заң факультеті  азаматтық құқық және

азаматтық іс жүргізу, еңбек құқығы

кафедрасының з.ғ.к., доцент