Сарапшылар digital-жарнама кезінде шығындарды қалай оңтайландыру керектігін айтты

Digital-маркетингте сандық KPI-ге қол жеткізу, егер олар өтелімділіктің нақты көрсетілімімен қатар жүрмесе, кампанияның табыстылығына әрдайым кепілдік бермейді — жарнамалық стратегиялардың тиімділігін бағалаудағы осы және басқа да негізгі аспектілер туралы Netpeak Kazakhstan интернет-маркетинг агенттігі ұйымдастырған бизнес-таңғы аста Қазақстанның жетекші маркетологтары айтты.

25 шілдеде Netpeak Kazakhstan агенттігі digital-жарнама тиімділік пен шығындарды оңтайландырудың негізгі көрсеткіштеріне арналған бизнес-таңғы аста интернет-маркетинг саласындағы жетекші сарапшыларды жинады. Бауыржан Тоқтағазы, Netpeak Kazakhstan компаниясының бас директоры өз презентациясы барысында осы тақырыптың заманауи цифрлық экономикадағы маңыздылығын атап өтті.

«Digital-маркетингке салынған ресурстар барынша пайда әкелуі керек. Бұл тек KPI-ді дұрыс таңдауды ғана емес, сонымен қатар олардың нарықтың өзгеретін жағдайларына үнемі бейімделуін талап етеді. Заманауи digital-маркетингте трафик, конверсиялар және кликтер сияқты синтетикалық метрикалар жарнамалық кампаниялардың өнімділігін бағалауда маңызды рөл атқарады, алайда стратегияның шынайы тиімділігі тұрақты табысқа қол жеткізу және компаниялардың бизнес-мақсаттарына сәйкес инвестициялардың қайтарымын қамтамасыз ету қабілетімен анықталады»,- деп атап өтті ол.

Іс-шарада қозғалған өзекті тақырыптардың бірі — бизнестің тауарлар мен қызметтерінің digital-жарнама кезінде шығындарды оңтайландыру. Сарапшылар цифрлық маркетинг әлемінде әр клик мен жарнама көрсетудің бағасы бар, шығындарды оңтайландыру бизнес үшін басты міндетке айналады деген пікірге келді. Digital-жарнама көрсеткіштерді тиімді пайдаланумен қатар, шығындарды оңтайландыру жүйелі талдау мен икемді тәсілді қажет етеді.

Бизнес-таңғы асқа қатысушылар жалпы көрсеткіштерден бастауды ұсынады — жарнамалық кампаниялардың тиімділігін талдау, содан кейін егжей-тегжейге көшу — қалаған нәтижеге әкелмейтін, бірақ бюджеттің едәуір бөлігін алатын жарнамалық кампания шығындарын талдау. «Мұндай жағдайларда қаражатты неғұрлым перспективалы және тиімді кампанияларға немесе арналарға қайта бөлу орынды», — деп түсіндірді Дамир Гаитов, Netpeak Kazakhstan Team Lead жоба менеджері.

Сарапшының пікірінше, рентабельділікті талдау және науқанды оңтайландыру кезінде бірнеше негізгі факторларды ескеру қажет. Біріншіден, өнім ассортименті: драйвер-тауарлары болмауы трафикті және тапсырыстар санын азайтуы мүмкін. Екіншіден, сайттын дурыс жумыс истеуи: «сатып алу» батырмасы сияқты бір бұзылған элемент бүкіл жарнамалық арнаның тиімділігіне теріс әсер етуі мүмкін. Үшіншіден, автоматты турде берилетин усыныстарга қарау керек, жарнама жүйелерінің ұсынысы және олардың жұмысын әртүрлі көрсеткіштердің жиынтығы бойынша мұқият талдау қажет.

Бәсекелестердің белсенділігін ескеру де маңызды, өйткені үлкен бюджеті бар компаниялар жарнамалық аукционның барлық қатысушыларына айтарлықтай әсер етуі мүмкін. Бұл, ең алдымен, айтарлықтай қаржылық ресурстарға ие ірі маркетплейстерге қатысты. Нәтижесінде, қалғандары осы арна арқылы клиенттерді тартуда және бәсекеге қабілетті позицияларды ұстауда қиындықтарға тап болуы мүмкін.  «Негізгі ереже туралы ұмытпаңыз — жарнама кампаниясын тек осы кампанияның нашар көрсеткіштері негізінде өшірмеңіз. Сатып алушылар сайтқа бірінші рет кіргеннен бастап тапсырыс беру туралы шешім қабылдамайды, олар көптеген әртүрлі ресурстарды қарайды, әртүрлі құрылғылар мен арналардан біреуіне кіре алады, сондықтан көп арналы реттілік негізінде әр ресурстың үлесін ескеру өте маңызды.»,- деп түйіндеді ол.