Түлектер – мақтанышымыз

Әл-Фараби атындағы Қазақ ұлттық университеті еліміздегі жетекші жоғары оқу орындарының бірі ретінде тек Қазақстанда ғана емес, халықаралық деңгейде де танымал. Университеттің түлектері – оның сапалы білім берудегі жетістіктерінің айқын дәлелі.

ҚазҰУ түлектері бүгінде әртүрлі салаларда табысты маман атанып, Қазақстанның және әлемнің дамуында маңызды рөл атқарып келеді. ҚазҰУ-дың сапалы білім беру жүйесі әлемдік стандарттарға сай құрылған. Университетте оқыту үдерісі теория мен практиканы үйлесімді біріктіру арқылы жүзеге асады. Оқу бағдарламалары заманауи әдістер мен технологияларды қолдана отырып әзірленген. Сонымен қатар, шетелдік жоғары оқу орындарымен серіктестік қарым-қатынас орнату және академиялық ұтқырлық бағдарламалары студенттердің біліктілігін арттыруға мүмкіндік береді. Университетіміздің түлегі болу – тек кәсіби білім алып қана қоймай, көшбасшылық қасиеттер мен жоғары азаматтық жауапкершілікке ие болу дегенді білдіреді. Университет түлектері алған білімдерін тәжірибеде табысты қолдана отырып, өз салаларында үздік мамандарға айналуда. ҚазҰУ-дың түлектері арасында көптеген белгілі тұлғалар бар. Олар ғылым, білім, бизнес, саясат, мәдениет және өнер салаларында биік белестерді бағындырды.

Түлектердің жетістіктері тек олардың жеке қабілеттері мен қажырлы еңбегінің ғана емес, қара шаңырақта  алған білімінің сапасын көрсетеді. ҚазҰУ түлектері тек жеке жетістіктерімен шектелмей, қоғамға да елеулі үлес қосуда. Олар білім саласын дамыту, әлеуметтік мәселелерді шешу, жастарға үлгі болу сияқты маңызды бастамаларда белсенділік танытуда. Университет түлектері түрлі қайырымдылық және әлеуметтік жобаларға қатысып, өз білімдері мен тәжірибелерін болашақ ұрпаққа жеткізуге атсалысуда.Сонымен қатар, түлектер университет беделін халықаралық деңгейде нығайтуда ерекше рөл атқарады. Әлемнің түкпір-түкпірінде жұмыс істейтін мамандар ҚазҰУ-дың атын асқақтатып, оның Қазақстандағы білім беру сапасының жоғары деңгейін дәлелдеп жүр. Әл-Фараби атындағы Қазақ ұлттық университеті – мыңдаған жастың арманын жүзеге асыратын, оларға сапалы білім мен өмірлік тәжірибе беретін білім ордасы. Түлектерінің табысы университеттің сапалы білім беру миссиясының нақты нәтижесі болып табылады. Қара шаңырақ түлектерінің жетістіктері университетке жаңа буын студенттерінің сенімін арттырады. Әрбір түлек – білім мен еңбектің құдіретін дәлелдейтін, болашаққа сенімді қадам басқан тұлға. Университет түлектері арқылы университеттің сапалы білім беру идеясын әлемге паш ету жалғаса береді.

Г.Н.Мұхамадиева,

Ә. М.Ерғали,

О.Н.Тілепбергенов

Әл-Фараби атындағы ҚазҰУ

Заң факультеті қылмыстық құқық

қылмыстық іс жүргізу және

криминалистика кафедрасының профессорлары