Visa стейблкоиндерге негізделген есеп айырысуларды жеделдету және оңтайландыру үшін Aquanow-мен әріптестік орнатты

Visa (NYSE: V), цифрлық төлемдер индустриясының әлемдік көшбасшысы, Орталық және Шығыс Еуропа, Таяу Шығыс және Африка (CEMEA) аймағында стейблкоиндерге негізделген есеп айырысу мүмкіндіктерін кеңейту туралы жариялады. Бұл өтімділік және инфрақұрылым саласындағы шешімдерге маманданған Aquanow – жаһандық цифрлық активтер платформасымен әріптестік арқасында мүмкін болды.

Aquanow цифрлық активтерінің инфрақұрылымын Visa-ның озық технологияларымен интеграциялау Visa эмитенттері мен эквайерлерінің желісіне USDC сияқты қолдау көрсетілетін стейблкоиндерді пайдалана отырып есеп айырысуларды жүргізуге, соның нәтижесінде шығындарды, операциялық күрделіліктерді және есеп айырысу уақытын азайтуға мүмкіндік береді.

Қаржы институттары тарапынан жылдам әрі қолжетімді трансшекаралық аударымдарға деген сұраныстың артуы аясында Visa ақша ағындарының ішкі жүйесін цифрландыру және жыл бойы үздіксіз есеп айырысуды қамтамасыз ету үшін стейблкоиндерді пайдаланады. 2023 жылы Visa стейблкоиндерде есеп айырысуды бастаған алғашқы ірі төлем желілерінің бірі болды: пилоттық жобада компания клиенттерге өз міндеттемелерін USDC-мен орындауға мүмкіндік берді. Қазір ай сайынғы транзакция көлемі жылдық эквиваленті 2,5 млрд долларға жетті.

Visa-ның CEMEA аймағындағы өнімдер және шешімдер бөлімінің басшысы  Г. Салливан:

«Стейблкоиндердің әлеуетін пайдалана отырып және оны біздің сенімді жаһандық технологияларымызбен біріктіру арқылы, біз CEMEA аймағындағы қаржы институттарына есеп айырысуларды жылдамырақ және оңайырақ жүргізуге мүмкіндік береміз. Aquanow-мен серіктестігіміз төлем инфрақұрылымын жаңғыртуға бағытталған тағы бір маңызды қадам болып табылады: ол көптеген делдалдар қатысатын дәстүрлі схемаларға тәуелділікті азайтады және қаржы институттарына ақша ағынының болашағына дайындалуға көмектеседі»

Aquanow бас директоры Фил Шэм:

«Visa-ның сенімді жаһандық желісі қауіпсіз және тиімді ақша аударымдарын бұрыннан қамтамасыз етіп келеді. Visa мен Aquanow бірлесіп, стейблкоин технологиясын қолдана отырып, қаржы институттары үшін интернеттегідей жылдамдықпен және ашықтықпен есеп айырысу арқылы цифрлық экономикаға қатысудың жаңа мүмкіндіктерін ашады»