Жезқазған қаласының барлық 23 мектебінде кіруді бақылау және басқару жүйелері мен SOS батырмалары орнатылды

Цифрлық даму, инновациялар және аэроғарыш өнеркәсібі вице-министрі Ростислав Коняшкин жұмыс сапары аясында Ұлытау облысында халықпен кездесу және азаматтарды қабылдау өткізді. Іс-шараға мемлекеттік көрсетілетін қызметтер комитетінің және министрліктің телекоммуникациялар комитетінің басшылығы, «Азаматтарға арналған үкімет» ҰАҚ және облыс әкімдігінің өкілдері қатысты.

Бүгінгі таңда Халыққа қызмет көрсету бойынша облыстың инфрақұрылымы 7 ХҚКО бөлімінен, 15 бэк-офистен, 32 Connection Point кіру нүктесінен, 1 арнайы ХҚКО секторынан тұрады. Осы жылдың алғашқы төрт айында ХҚКО-да 152 мың мемлекеттік қызмет көрсетілді.

Ростислав Коняшкиннің айтуынша, көптеген құжаттарды алып жүру қажеттілігі телефонда 33 цифрлы құжаттың болуына байланысты өзектілігін жоғалтады. Бұл тізім тұрғындарының сұраныстары мен ұсыныстарына байланысты артады.

Министрліктің азаматтар талап ететін цифрлық сервистерді дамыту жөніндегі жеке мақсатты жұмысын атап өту қажет. Бұрын сенімхатты ресімдеу үшін құжатқа қол қою және нотариустың куәландыруы үшін клиенттің жеке қатысуы талап етілді. Енді тұрғындар нотариаттық сенімхаттарды eGov Mobile қосымшасындағы «Цифрлық нотариат» сервисі арқылы онлайн форматта ресімдей алады. Ұлытау облысында сервис 2023 жылы іске қосылған сәттен бастап осы сервис арқылы 31 рет сенімхат берілді.

Сонымен қатар, республика бойынша автомобильдерді тіркеудің 55%-ы онлайн форматта жүргізіледі. Ал, Ұлытау облысы бұл сервисті 20 мың рет пайдаланған.

Ақылды қалаларды құру жөніндегі «Smart City» тұжырымдамасы шеңберінде Ұлытау облысында «109» бірыңғай байланыс орталығы пайдалануға берілді.

«Жезқазған қаласында қауіпсіздікті қамтамасыз ету үшін барлық 23 мектепте кіруді бақылау және басқару жүйелері мен SOS батырмалары орнатылды. Бұл ретте биыл бейнебақылау камераларын 900 бірлікке көбейту жоспарлануда. Ұлытау облысы ТЖД Жедел басқару орталығына қосылатын болады. Жаңа бейнебақылау камераларын орнату осы жылдың маусым айында басталды», — деді вице-министр Ростислав Коняшкин.

Сондай-ақ қазіргі таңда елімізде IT мамандарына сұраныс артып келеді. Astana hub технопаркі елімізде білікті IT мамандарды даярлауға бағытталған «Tech Orda» бағдарламасын әзірледі. 2023 жылы Ұлытау өңірінен 8 оқушы қатысты.

Бүгінгі таңда 14 өңірлік IT-хаб ашылды және жұмыс істейді. Ұлытау облысының Жезқазған қаласында өңірлік IT-хаб ашу осы жылдың 3 тоқсанына жоспарланған.

Кездесу барысында Цифрлық даму министрлігінің өкілдері Ұлытау өңірі тұрғындарының облыстың елді мекендерінде мемлекеттік қызметтерді көрсету, ұялы байланыс, интернет, ұялы байланыс мәселелері бойынша сұрақтарына жауап берді.

 ҚР ЦДИАӨМ баспасөз қызметі