HONOR компаниясы IFA 2024 көрмесінде 39 марапатқа ие болды

HONOR жаһандық технологиялық бренді алдыңғы қатарлы технологияларды көрсетуге арналған ең ірі алаңдардың бірі — IFA халықаралық көрмесінде өз көшбасшылығын тағы да растады. Осы жылы компания жоғары танымалдылыққа ие болып, HONOR компаниясына 39 беделді «Best of IFA» марапатын алып келген инновациялық құрылғылар сериясын ұсынды. Басты жаңашылдықтардың бірі ретінде қалыңдығы жайылған күйінде небәрі 9,2 мм болатын, ультра жұқа дизайнымен ерекшеленетін HONOR Magic V3 бүктемелі смартфоны болды. HONOR MagicBook Art 14 ноутбугі сапалы суреттерге қол жеткізіп қана қоймай, сондай-ақ құпиялылыққа да кепілдік беретін бірегей алынбалы камерасымен назарға ілікті — камераны пайдаланбаған кезде ажыратып тастауға болады. 12,3 дюймдік OLED дисплейі, кеңістіктегі дыбысы және көзді қорғау технологиясы бар HONOR MagicPad 2 планшеті озық мультимедиялық тәжірибені ұсынады. Бұл құрылғылар HONOR компаниясының пайдаланушыға бағдарланған инновацияларға ұмтылысын бейнелейді және брендтің әрбір өнім санатында алдыңғы қатарлы технологиялар мен эстетиканы үйлестіруге бейілділігін айқын көрсетеді.

IFA 2024 шеңберінде әлемдік аренадағы HONOR Magic V3 смартфонының таныстырылымы жетекші техносарапшылар арасында үлкен дүрлікпе тудырды. Беделді TechRadar басылымы құрылғыны «Best of IFA 2024» марапатымен атап өтіп, «Қолыңызда ұстағанда, оның қаншалықты жұқа екендігін сезіну әбден таңғалдырады» деп қосты. Trusted Reviews редакциясы да құрылғының 9,2 мм-лік бірегей қалыңдығына таңданып: «Бұл қолымызда ұстап көрген ең жұқа бүктемелі смартфондардың бірі, және де бұл шынында керемет сезіледі» деп мәлімдеді. Android Authority сервисі Magic V3 смартфоны бүктемелі құрылғылар нарығындағы ойын ережелерін өзгерте алатынын атап өтті: «HONOR Magic V3 — әлемдегі ең жұқа бүктемелі смартфон». Жетекші IT басылымдарының таңырқанды пікірлері HONOR компаниясының бүктемелі құрылғылар сегментіндегі жетістігін растайды, Magic V3 смартфоны флагмандармен сенімді түрде бәсекелесе отырып, дизайн мен функционалдылықтың жаңа стандарттарын белгілейді.

HONOR MagicBook Art 14 ноутбугі де IFA 2024 көрмесінде ерекше назар аударды. XDA Developers қауымдастығы дисплей сапасы мен инновациялық алынбалы камераның жарасымды үйлесімін атап өтіп, бұл идеяны «қарапайым болғанымен, заманауи компаниялардың әзірлемелерінде көргіміз келетін кемеңгерлі ой» деп атады. Yanko Design журналы да ноутбуктің озық дизайнынан әсерленіп, «HONOR компаниясы Apple компаниясының MacBook экранындағы ойынды мәселесінің тамаша шешімін тапты» деп сөз етті. Бұл пікірлер MagicBook Art 14 ноутбугін ультра жеңіл ноутбуктердің бәсекелі нарығында көшбасшы қатарына шығара отырып, HONOR компаниясының инновацияға ұмтылысын атап көрсетеді.

HONOR MagicPad 2 планшеті көрнекті аудиовизуалдық мүмкіндіктері мен көзді қорғаудың озық технологиялары үшін бағаланды. Android Headlines компаниясы оны «нарықтағы ең қуатты Android планшеті» деп атады, әрі оның өнімділігі мен бейнелеу сапасына аса назар аударды. Өз кезегінде, Les Numeriques компаниясы «HONOR MagicPad 2 — өнімділікті едәуір арттыратын жоғары санатты жасанды интеллект планшеті» екенін атап өтті.

IFA көрмесі алдыңғы қатарлы технологиялар мен жаңашылдықтарды көрсетуге арналған ең елеулі платформалардың бірі болып қала береді. Жыл сайын HONOR компаниясы жаңа стандарттар орната отырып және технологиялық әлемнің болашағын қалыптастыра отырып, индустрияға елеулі әсер ететін революциялық құрылғыларды ұсынады.