JET 2025 жылғы маусым қорытындысын шығарды

Қазақстандағы микромобильділік саласының көшбасшысы JET 2025 жылғы маусымның қорытындысын жариялады. Биыл қазақстандықтар электросамокатпен қозғалыста шамамен 2 миллион сағат өткізіп, жеке автокөлік пен таксиге балама ретінде ыңғайлы электркөлікті таңдады.

2025 жылы Қазақстандағы кикшеринг маусымы шамамен 10 айға созылды. Осы кезеңде JET пайдаланушылары 15 миллионнан астам сапар жасап, бұл өткен жылмен салыстырғанда 25%-ға жоғары көрсеткішке жетті. JET электросамокаттарымен жүріп өткен жалпы қашықтық 25 миллион километрден асты.

«Қызметіміздің географиясын 29 қалаға дейін кеңейту және пайдаланушылардың экологиялық жауапкершілігі JET-ті қалалық ортаға әсері жоғары жаңа деңгейге шығарды. Сонымен қатар қазақстандықтардың микромобильділікке жаппай көшуі биыл атмосфераға 3,7 миллион килограмм көмірқышқыл газының (CO₂) шығарылуын болдырмауға мүмкіндік берді», — деді JET компаниясының Қазақстандағы даму жөніндегі директоры Виталий Мошкин.

Оның айтуынша, «2025 жылғы маусым электросамокаттың Қазақстандағы қалалық көліктің ажырамас бөлігіне айналғанын дәлелдеді. Сапарлар санының артуы және олардың ұзақтығының едәуір өсуі бізге күнделікті логистикалық міндеттерді сеніп тапсыратынын көрсетеді. Біз 2026 жылы бұл тәжірибені одан әрі қауіпсіз әрі жайлы ету үшін қауіпсіздік пен технологияларға инвестиция салуды жалғастырамыз».

Қазақстандағы кикшерингтің жаңа маусымы 2026 жылдың наурыз айында басталады. Қазіргі уақытта JET мобильді қосымшасының барлық пайдаланушыларына 2025 жылға арналған жеке қорытындылар қолжетімді, оларды әлеуметтік желілерде бөлісуге болады.