INTEGRA CITY GITEX Africa 2026 көрмесінде қалаларды цифрлық басқару экожүйесіне арналған AI-технологияларын ұсынды

INTEGRA CITY халықаралық компаниялар тобы Марракеште өтетін GITEX Africa 2026 көрмесіне қатысуда – бұл Африка құрлығындағы жетекші технологиялық іс-шаралардың бірі. Көрме 7 сәуірде басталып, 55 000-нан астам қатысушыны, 1 500 халықаралық экспонентті және 700-ден астам спикердің басын қосты. Бұл алаң, жаһандық экономикадағы Африканың жасанды интеллект негізіндегі рөлін талқылауға бірегей мүмкіндік береді.

INTEGRA CITY алуан қалалық жүйелерден алынған деректерді біріктіріп, оларды талдау және басқару үшін AI-негізіндегі бірыңғай орталыққа топтастыратын бірегей платформаны ұсынды. Ол барлық сервистердің үйлесімді әрі синхронды жұмысын қамтамасыз етеді. Платформаның ашық архитектурасы қолданыстағы шешімдер мен құрылғыларды алмастырмай-ақ біріктіруге мүмкіндік береді және ауқымды, кеңейтілетін экожүйе қалыптастырады.

«Марокко жасанды интеллектіні дамыту орталықтарының біріне айналып келеді. Ел таланттарды, компаниялар мен инновацияларды тартып отыр. Жасанды интеллект мемлекеттік қызметтерден бастап инфрақұрылымдық шешімдерге дейін әртүрлі салаларда белсенді қолданылуда. Марокко өңірдегі ең ірі әрі ықпалды елдердің бірі ретінде дәл осы бағытта даму бағытында», – дейді INTEGRA CITY компаниялар тобы техникалық департаментінің директоры Илья Беляков.

Фото: Кампала, Уганда Республикасы: жол қозғалысын бақылауға арналған Nexus шешімінің инновациялық архитектурасы құқық бұзушылықтардың, соның ішінде жылдамдықты асырудың алдын алу үшін интеграцияланған жасанды интеллектті пайдаланады. Өздігінен үйренетін AI технологиясының арқасында көлік құралдарының мемлекеттік нөмірлерін автоматты түрде тану деңгейі 97%-ға дейін жетеді.

INTEGRA платформасында жасанды интеллект аналитикалық құрал ретінде қолданылады: ол датчиктер мен мониторинг жүйелерінен келіп түсетін үлкен көлемдегі деректерді өңдейді, тәуекелдерді бағалайды және ең тиімді әрекет ету сценарийлерін таңдауға көмектеседі. Мұндай тәсіл сан алуан шешімдердің жұмысын үйлестіруге жол ашып, басқарудың жылдамдығы мен сапасын арттырады.

INTEGRA экожүйесінің шешімдеріне мыналар кіреді:

• Sfera – қалалық ортаны цифрлық басқару: коммуналдық инфрақұрылым, жарықтандыру, көлік және экологиялық мониторинг;
• Nexus – қоғамдық қауіпсіздік пен жол қозғалысын бақылауға арналған AI-шешімдер: көлік құралдарын автоматтандырылған мониторингтеу және құқық бұзушылықтарды нақты уақыт режимінде тіркеу;
• Kodex – құжат айналымын, келісу процестерін, салықтық операцияларды және азаматтарды сәйкестендіруді автоматтандыруға арналған мемлекеттік басқарудың цифрлық жүйесі;
• Bordex – ситуациялық хабардарлықты қамтамасыз ету үшін AI-мониторинг пен кеңейтілген аналитиканы қолдана отырып, критикалық инфрақұрылымды қорғау.

Фото: Африкадағы логистикалық хабта БҰҰ-ның Дүниежүзілік азық-түлік бағдарламасының (WFP) автопаркі үшін Integra енгізген Nexus платформасы гуманитарлық тасымалдардың тиімділігі мен қауіпсіздігін арттырып, көлік құралдарының шекаралық рәсімдерден өтуін жеделдетеді.

«Біз жасанды интеллекттің бизнесте де, мемлекеттік институттарда да тиімділіктің, инновациялардың және сапалы шешім қабылдаудың негізгі драйверіне айналады деп күтеміз. Жақын уақытта AI-технологиялардың арқасында қалалар мейлінше қауіпсіз, ал процестер ашығырақ, мемлекеттік қызметтер жеделірек бола түседі. Өз кезегінде, Африка AI-трансформациясының жетекші мысалдарының біріне айналу әлеуетіне ие», – деп атап өтті Илья Беляков.

Фото: INTEGRA CITY GITEX Africa 2026 көрмесінің алаңында, Марракеш, Марокко.

INTEGRA CITY GITEX жаһандық экожүйесіндегі өз позициясын нығайтып келеді — бұл технологиялар, инновациялар мен стартаптар саласындағы ең ірі әрі ықпалды платформалардың бірі.

Жасанды интеллект технологияларын мемлекеттік басқару мен қалалық инфрақұрылымға белсенді енгізу бүгінгі таңда негізгі жаһандық трендтердің біріне айналды. Осы тұрғыда 2026 жылдың 11–12 ақпанында Каирде Ai Everything Middle East & Africa (MEA) Egypt халықаралық көрмесі өз мәресіне жетті — бұл технологиялық көшбасшыларды, инвесторларды және мемлекеттік сектор өкілдерін біріктіретін салалық алаң.

INTEGRA CITY көрмеде ақылды әрі тұрақты қалаларға арналған AI-шешімдер экожүйесін таныстырды. Бұл реактивті басқарудан деректерге негізделген, процестерді алдын ала болжайтын және тиімді оңтайландыратын интеллектуалды жүйелерге көшу үрдісін көрсетті.

Осы негізде Қазақстан, Қырғызстан, Моңғолия және Түрікменстан өңірдегі INTEGRA CITY стратегиясында орталық негіздегі орынға ие — осы аймақтар қалалар мен инфрақұрылымды трансформациялаудың заманауи сын-қатерлеріне жауап беретін AI-шешімдерді енгізу үшін жоғары әлеуеті бар нарықтар. Бұл елдерде INTEGRA CITY мемлекетпен ұзақ мерзімді технологиялық әріптестікке негізді қалыптастыра түседі. Орталық Азия үшін цифрландыру бүгінгі күні болашақтың мәселесі ғана емес, практикалық қажеттілікке айналып үлгерді. Бұл қалалардың кеңеюімен, инфрақұрылымға түсетін жүктеменің артуымен және басқарудың тиімділігін арттыруға деген сұраныспен байланысты. Осыған байланысты өңірде AI-шешімдер мен интеграцияланған цифрлық платформаларға деген қызығушылық одан әрі арта бермек.

INTEGRA CITY компаниясының GITEX Africa көрмесіне қатысуы — цифрлық экожүйелерді дамыту және қалалық инфрақұрылымды басқару мен шешім қабылдау тәсілдерін трансформациялайтын технологияларды енгізу бағытындағы стратегиялық ұстанымын айқындайды. Сонымен қатар, компанияның өз сараптамасын таныстыруы мен тәжірибе алмасуы үшін маңызды алаңды құрайды. Бұл — деректерге, технологияларға және интеллектуалды жүйелерге негізделген басқарудың жаңа стандартын қалыптастыруға бағытталған қадам.
_____________________________________________________________________
Компания туралы
• INTEGRA CITY – кешенді аппараттық және бағдарламалық шешімдерді әзірлеу мен енгізуге маманданған халықаралық, вертикалды интеграцияланған холдинг.
• Холдинг 3 000-нан астам кәсіби маманды біріктіреді және әлемнің бірнеше елінде кеңселері арқылы қызмет жүргізеді.
• Холдинг әртүрлі салалар үшін ауқымды технологиялық жобаларды жүзеге асырып, жоғары деңгейдегі сенімділікті, қауіпсіздікті және цифрлық трансформацияны қамтамасыз етеді.
• INTEGRA CITY-дің әмбебап экожүйесі цифрлық дамудың негізгі бағыттарын біріктіреді: қалалық ортаны басқару, қауіпсіздік, цифрлық мемлекеттік басқару және маңызды объектілерді қорғау.
• Жасанды интеллект пен предиктивті аналитика экожүйенің барлық платформаларына терең интеграцияланған.
• Барлық шешімдер бірыңғай архитектураға біріктірілген, бұл қалалық ортаны цифрландыруға кешенді тәсілді қамтамасыз етеді: инфрақұрылым құрылыcынан бастап сервистік қолдауға дейін, сонымен қатар бұрыннан енгізілген шашыраңқы шешімдерді біріктіру мүмкіндігін сақтайды.