Maserati Қазақстанда жаңа концептуалды шоу румын ашады

Maserati Қазақстанда дистрибьюцияның қайта іске қосылғаны туралы хабарлайды, енді брендті «ГРАНД-АВТОМОТИВ-АЗИЯ» компаниясы ресми түрде ұсынатын болады. Ал 2024 жылғы 10 шілдеде «Grand Automotive Asia» жаңа дилерлік орталығы алғаш рет Алматыда өз есігін ашады және осы сәттен бастап итальяндық бренд «люкс» класты автомобильдер сегментінде дамуға деген ұмтылысты білдіретін сату және қызмет көрсету бойынша қызметтердің барлық спектрі қолжетімді болатын эксклюзивті орталықта ұсынылатын болады.

Maserati-дің сән-салтанат пен эксклюзив тұрғысынан теңдесі жоқ екендігін білдіруге арналған жаңа шоурумның инновациялық тұжырымдамасы «сарторияның» — жекелендіру ательесінің талғампаздығын, «оффичинаның» — клиенттерге жеке теңшеуді ұсына отырып шеберлігімен, өздерінің шығармашылық құмарлықтарын ашуға мүмкіндік беретін шеберхананы біріктіреді және сол арқылы сәнді спорттық автокөліктің өз нұсқасын өмірге әкеледі.

Алматының ең қарқынды дамып келе жатқан аудандарының бірінде орналасқан дилерлік орталықтың ашылуы Қазақстандағы Maserati клиенттеріне бірегей және инновациялық тәжірибе ұсынуға арналған жаңа тұжырымдама түріндегі жаңа дәуірдің басталуын білдіреді. Шоу мен қызмет көрсету орталығының кеңістігі итальяндық «люкс» брендінің құмарлығын, технологиясын және шеберлігін бейнелейтін ең жаңа корпоративтік стандарттарға сәйкес жасалған. Барлығы Maserati сатып алғанға дейін, сатып алу кезінде және одан кейін тұтынушыларға қызықты тәжірибе беру үшін жасалып әзірленген. Бұл тұжырымдама автокөлікті жабдықтауға және теңшеуге ғана емес, сонымен қатар сервистік қызмет көрсету қызметтерінің толық спектріне және түпнұсқа аксессуарларды таңдауға мүмкіндік береді.

Айта кетерлігі, қазір Қазақстанда автомобильдерді бұрын сатып алған Maserati иелері «Grand Automotive Asia» — да ресми кәсіби қызмет көрсететін артықшылықтарды пайдалана алады.

«Қазақстанда алғашқы ресми Maserati шоурумының ашылуы Maserati брендінің тарихына тағы бір сәтті тарауды енгізеді және біз қазақстандық клиентке біздің эксклюзивті өнім желісін ұсына алатынымызға қуаныштымыз», — деп хабарлайды Maserati шетелдік бағытының басшысы Филипе Клавероль.

«Біз «ГРАНД-АВТОМОТИВ-АЗИЯ» компаниясына Қазақстанда аты аңызға айналған итальяндық Maserati брендін ресми түрде ұсынудың айрықша құқығы берілгенін мақтан тұтамыз. Жаңа дистрибьюторлық компанияның командасы Қазақстанның автомобиль нарығын мұқият білетін, премиум автомобильдерді сату және қызмет көрсету саласында айтарлықтай тәжірибесі бар мамандарды біріктіреді. Біз брендтің жаңа өнімдерін нарыққа шығару арқылы алғашқы сәтті нәтижелерді күтеміз»,- деп хабарлайды «ГРАНД-АВТОМОТИВ-АЗИЯ» ЖШС атқарушы директоры Дулат Исабаев.

Жақында брендтің клиенттері мен жанкүйерлері үшін Қазақстанда ресми сайт ашылады, ал Maserati әлеуметтік желілердегі парақшалары өз ізбасарларын қарсы алуға дайын екендігін білдіреді.