Air Astana қысқы кестеге ауысты

2024 жылғы 27 қазанынан бастап Air Astana қысқы кестеге көшіп, мауысымды танымал халықаралық бағыттармен ашты.

Жаңа маусым қарсаңында әуекомпания Атырау мен Дубай арасында аптасына екі рет орындалатын тікелей рейс ашты. Сонымен қатар Алматыдан Дубайға рейстер саны аптасына 11-ге, ал Астанадан Дубайға 9-ға дейін ұлғаяды. Бұдан басқа, қазан айының соңынан Air Astana Астанадан Абу-Дабиге аптасына екі рет, ал желтоқсаннан Алматыдан да дәл осындай жиілікпен рейстерді жүзеге асырады.

Air Astana Сауд Арабиясына бағыттарын да кеңейтуде: қазан айының соңынан әуекомпания Алматыдан Мединаға аптасына екі рет қатынайды, осылайшы Жиддаға аптасына екі рет орындалатын рейстерді толықтырады. Шымкенттен Жидда мен Мединаға аптасына бір рейстен орындалатын болады.

Экзотикалық демалысты ұнататындар үшін Астанадан Пхукетке аптасына үш рет жаңа рейс іске қосылды, бұл Алматыдан Пхукетке қатынайтын 11 рейсті, сондай-ақ Алматыдан Бангкокқа күн сайынғы рейстерді толықтырады.

Бүгін, 28 қазанда, Алматыдан Фукуокқа (Вьетнам) аптасына бес рет орындалатын жаңа рейс іске қосылады. Кеше болса әуекомпания Мальдивке маусымдық тұрақты рейстерді қайта бастады, олар аптасына бес рет орындалады.

Желтоқсанның басынан Air Astana Астанадан Үрімшіге аптасына екі рет орындалатын рейстерді қалпына келтіреді, Алматыдан Үрімшіге төрт рет, Алматыдан Бейжіңге бес рет, ал Астанадан Бейжіңге аптасына екі рет рейстерді орындауды жалғастырады.

Жаңа маусымда әуекомпания Алматыдан Сеулге аптасына бес рет қатынайтын әрекеттегі рейстерге қосымша Астана мен Сеул арасында аптасына үш ретке дейін рейстердің санын арттырады.

Еуропалық бағыттарды таңдағандарға Air Astana Астанадан Франкфуртқа аптасына бес рет және Алматы–Лондон маршруты бойынша аптасына екі рет тікелей рейс ұсынады. Батыс Қазақстаннан Атыраудан Амстердамға рейстер жалғасып келеді.

Қысқы кестеге көшу арқылы Air Astana жақын шетелдегі танымал бағыттарға рейстерін жалғастырады. Қысқы кезеңде Алматыдан Дели рейстері аптасына тоғыз рет, Алматы–Ташкент бағыты бойынша 11 рейс, Алматыдан Бішкекке күн сайын рейстер, Алматы–Тбилиси бағыты бойынша аптасына төрт рет, сонымен қатар Алматыдан Баку және Душанбе қалаларына аптасына екі рет рейстер орындалады.

Жаңа маусымда әуекомпания барлығы 13 ішкі және 40 халықаралық маршрут бойынша, оның ішінде чартерлік рейстерді орындауды жоспарлап отыр. Әуекомпания Қазақстан азаматтары үшін биыл Қытай, Вьетнам және Таиландқа визасыз режим енгізілгенін еске салады.

Air Astana рейстері халықаралық қауіпсіздік стандарттарына сай келетін ұшақтармен жүзеге асырылады. Жолаушылардың жайлылығы үшін әуекомпания ұшу кезінде дәстүрлі дәмдерді маусымдық ингредиенттермен үйлестіріп тегін тағамдар ұсынады, сондай-ақ шетелдік және қазақстандық жаңа фильмдер мен музыкасы бар ойын-сауық жүйесін ұсынады.