«Жас Ұлан» облыстық әскери-спорттық ойыны өтті

Ойынның ашылу және жабылу салтанатына Абай облысының білім басқармасы өкілдері мен арнайы шақырылған қонақтар – Қарулы Күштер ардагері Айдар Рахимбаев, Ауған соғысы ардагері Айдар Манасов, Тәжік-Ауған шекарасына қатысқан ардагер Мәқсұт Тлеубаев қатысты.

Ойын барысында қатысушылар бірнеше әскери және спорттық сынақтардан өтіп, өз шеберліктерін көрсетті. Жарыс нәтижесінде жеңімпаздар анықталды.

Тарихи-іздеу зерттеу жобасын қорғау бойынша Семей қаласының командасы бірінші орын алса, Жарма ауданы екінші, Ақсуат ауданы үшінші орынды иеленді.

Кросс сайысында 1500 метр қашықтық бойынша командалық есепте Аягөз ауданы бірінші орынға, Семей қаласы екінші, Бородулиха ауданы үшінші орынға ие болды. Жекелей ұлдар арасындағы жарыста Аягөз ауданынан Нұрбек Ильясов бірінші орынға ие болды.

Кросс 500 метр қашықтық бойынша жекелей қыздар арасында Семей қаласынан Айзере Жетібай жеңімпаз атанды.

Саптық байқауда Жарма ауданы үздік деп танылып, Аягөз және Көкпекті аудандары екінші және үшінші орындарды иеленді.

Белтемірге тартылу сайысында командалық есепте Семей қаласы бірінші орын алса, Бородулиха ауданы екінші, Аягөз ауданы үшінші орын алды. Жекелей есепте Бородулиха ауданынан Ислам Аманбаев жеңіске жетті.

Арқамен жатып денені көтеру бойынша Семей қаласының командасы командалық есепте бірінші орынды иеленді. Жекелей есепте де Семей қаласынан Айзере Жетібай үздік нәтиже көрсетті.

АК-74 қаруын толық емес бөлшектеу және жинақтау сайысында командалық есепте Семей қаласының командасы бірінші орын алса, Аягөз және Бородулиха аудандары екінші және үшінші орындарды иеленді. Жекелей ұлдар арасындағы жарыста Семей қаласынан Мұхаметәли Тәңірбергенов, ал қыздар арасында Айзере Жетібай жеңімпаз атанды.

Жалпы командалық есеп бойынша Семей қаласының командасы бірінші орынды, Аягөз ауданының командасы екінші орынды, Бородулиха ауданының командасы үшінші орынды иеленді.

Жеңімпаздар мен жүлдегерлер Абай облысы білім басқармасының І, ІІ, ІІІ дәрежелі дипломдары, кубоктар және медальдармен марапатталды. Сондай-ақ барлық қатысушыға сертификаттар табысталды.

Ойын жастардың әскери-патриоттық тәрбиесін нығайтуға бағытталған, әрі қатысушылардың болашақта еліміздің қорғаныс қабілетін нығайтуға деген ынтасын арттырды.

Абай облысы ББ баспасөз қызметі