Sergek VMS – Digital Almaty Awards 2025 жеңімпазы!

Қоғамдық қауіпсіздікті қамтамасыз етуге арналған «Sergek VMS» интеллектуалды бейнебақылау және аналитика жүйесі Digital Almaty Awards 2025 байқауында «Қауіпсіздікті қамтамасыз етуде AI қолдану» номинациясында жеңімпаз атанды.

Бұл номинация қоғамдық, өнеркәсіптік және киберқауіпсіздікті қамтып, үлкен деректерді (Big Data) талдаудың заманауи әдістері мен технологияларын бағалады. Байқауда денсаулық сақтау, қаржы, құрылыс және өнеркәсіп салаларында қолданылатын шешімдер ұсынған алты компания бақ сынады.

Онлайн дауыс беру нәтижесінде Sergek Group бірінші орынды иеленді. Марапатты қазақстандық IT-компанияның негізін қалаушыға БҰҰ (UNDESA) Цифрлық басқару бөлімінің басшысы (Қоғамдық институттар және цифрлық басқару департаменті) Винченцо Акуаро табыстады.

«Smart City саласындағы үздік жетістігімізді дәлелдейтін маңызды марапат»

Sergek Group тең құрылтайшысы Асет Ахметов бұл жеңістің компания үшін ерекше маңызға ие екенін атап өтті:

«Қауіпсіздік, көлік және экология салаларында Smart City шешімдерін әзірлейтін компания ретінде бұл марапат біз үшін айрықша құнды. Ол біздің технологиялық инновацияларымыздың жоғары деңгейін растаумен қатар, біздің AI негізіндегі шешімдерімізге сенім білдірген қалалар мен құқық қорғау органдарының қолдауын білдіреді».

Сонымен қатар, Sergek VMS жүйесінің тиімділігі ірі халықаралық іс-шаралар кезінде, атап айтқанда ШЫҰ Саммиті мен Көшпенділердің дүниежүзілік ойындарында, сондай-ақ Абай облысындағы 2023 жылғы өрттер мен су тасқыны салдарын жою жұмыстары кезінде айқын көрінді.

Қазіргі уақытта Sergek VMS интеллектуалды бейнебақылау және аналитика жүйесі Қазақстанның 14 қаласында жедел әрекет ету жүйелерінің тиімділігін арттыру мақсатында кеңінен қолданылуда.

AI негізіндегі инновациялық видеоаналитика құралдары жүйенің жоғары тиімділігін қамтамасыз етеді. Бұл технологиялар қауіпсіздік қызметтерінің әрекет ету уақытын едәуір қысқартып, жедел тергеу шараларын жүргізуді жеңілдетеді.

Айта кетейік, бұл жүйе Sergek әзірлеушілерінің жаңа AI-платформасына интеграцияланған. Аталған платформа көлік, мобильділік, қоғамдық қауіпсіздік және құқықтық тәртіп саласындағы шешімдерді біріктіреді. AI-платформа клиенттердің әртүрлі сұраныстарына бейімделіп, олардың қажеттіліктерімен бірге дамиды. Осылайша, ол қалалар мен мемлекеттік құрылымдар үшін интеллектуалды шешімдердің жаңа стандартын қалыптастырады.

Естеріңізге сала кетейік, Digital Almaty Awards 2025 – цифрлық технологиялар саласындағы үздік жетістіктерге арналған дәстүрлі жыл сайынғы марапат. Биылғы байқау сегіз номинация бойынша өткізілді.

Sergek Group-тың бұл жеңісі компанияның технологиялық көшбасшылығын ғана емес, Қазақстандағы және халықаралық деңгейдегі «ақылды қала» шешімдерін дамытудағы үлесін де айқын көрсетеді.

Sergek Group коммуникация департаменті