Астанада «Әлем сенің арқаңда әдемі (Гуанчжоу) – 2025» фотобайқауының тұсаукесері өтті
Астана қаласында «Әлем сенің арқаңда әдемі (Гуанчжоу)» атты халықаралық фотобайқаудың ресми тұсаукесері өтті. Іс-шараны Гуанчжоу қалалық халық үкіметінің баспасөз кеңсесі мен Қытай Халық Республикасының Шетел тілдерде әдебиет басып шығару және тарату істері жөніндегі басқармасының Халықаралық байланыстар орталығы бірлесіп ұйымдастырды.
Сонымен қатар, ұйымдастырушылар қатарында Еуропа мен Азияға хабар тарататын орталық («Жэньминь хуабао» баспасы) және Қазақстандағы Қытайды зерттеу орталығы бар.
Кешке 100-ден астам қонақ қатысты – Қытай мен Қазақстанның жергілікті билік өкілдері, мәдениет қайраткерлері, білім беру саласының мамандары мен жастар. Құрметті қонақтар қатарында Қытай елшілігінің уақытша сенімді өкілі Син Фанфан, Гуанчжоу қалалық партия комитетінің тұрақты комитетінің мүшесі Ду Синьшань, Астана қаласы әкімдігінің туризмді дамыту бөлімінің басшысы Өмірзақ Тлеужан, Қытай Халықаралық байланыстар орталығы бас редакторының орынбасары Инь Цзе, Қазақстандағы Қытайды зерттеу орталығының директоры Гүлнар Шаймергенова және «Еуразия-Астана» баспасының директоры Адай Секен болды.
Қытай елшілігінің уақытша сенімді өкілі Син Фанфан:
«Мәдени-гуманитарлық ынтымақтастық – Қазақстан мен Қытай арасындағы қарым-қатынастың ажырамас бөлігі. Бұл – ең сәтті бағыттардың бірі және екі ел арасындағы достықты одан әрі тереңдетуге зор мүмкіндік береді»
Шара аясында алдыңғы жылдарда өткізілген байқаулардың үздік 30 фотосынан құралған көрме ұсынылды. Қатысушылар Гуанчжоумен жақынырақ танысу мүмкіндігіне ие болғандарын ерекше атап өтті.
Сайтымыздың мобильді қосымшасын жүктеп алыңыз.
