Алматыда алғаш рет «Сиқырлы шам» музыкалық-цирктік шоуы көрсетіледі

Алматыда көптен күткен премьера өтеді. 3-25 мамыр аралығында Алматы циркінде аты аңызға айналған «Мың бір түн» топтамасындағы арабтың әйгілі «Аладдин және сиқырлы шам» ертегісі негізінде жасалған түпнұсқа туынды көрсетіледі.

Ержүрек және мейірімді Аладдиннің, сиқырлы шамның және құдіретті Джиннің хикаясын бүкіл әлем жақсы көреді. Енді бұл сиқырлы ертегі қала тұрғындары мен қонақтарына «Сиқырлы шам» ауқымды отбасылық шоу форматында қолжетімді болады.

Сахнада Париждегі және Монте-Карлодағы халықаралық цирк фестивальдерінің лауреаттары, Цирк дю Солейдің мүшелері, мюзиклдер мен театрлардың жетекші вокалистері, сондай-ақ «Voice» тележобасының қатысушылары өнер көрсетеді. Олар бірге махаббат пен жақсылықтың зұлымдықты жеңетіні туралы мейірімді, жарқын және шабыттандыратын астарлы оқиғаларды баяндайды.

Көрініс үшін арнайы сәнді шығыс киімдері тігілді, өзіндік музыка мен төл әндер жазылды. Қызықты сюжет, цирк шеберлігі, комедия элементтері және жарқын вокалдық нөмірлер қойылымды барлық жастағы көрермендерге қызықты етеді.

«Сиқырлы шам» – шығыстық сән-салтанаттың, сиқырдың, қиялдың және қызықты әрекеттің керемет үйлесімі. Бұл шоу әрбір көрерменнің жүрегін жаулап, бүкіл отбасына ұмытылмас әсер сыйлайды!