AV-TEST: «Касперский Зертханасының» шешімдері бопсалаушы- бағдарламаларға қарсы абсолютті тиімділікті қайта көрсетті

Бизнеске арналған Kaspersky Security, Kaspersky Small Office Security және Kaspersky Standard шешімдері күрделі қауіптерден (Advanced Threat Protection) қорғау үшін AV-TEST тұрақты тексеруден өтті. Тест барысында олар бопсалаушы- бағдарламаларының барлық 10 күрделі шабуылына тойтарыс берді.

2022 жылы «Касперский Зертханасының» шешімдері 74,2 млн-нан астам босалаушы-бағдарламаларының шабуыл әрекеттерін анықтады — бұл 2021 жылмен салыстырғанда 20% — ға көп болып отыр. Дүние жүзіндегі құқық қорғау органдары HIVE және Emotet сияқты кибер топтармен күресуге қол жеткізгенімен, зиянды бағдарламалар мен кодтар қолжетімді болып қала береді. Нәтижесінде, басқа топтар зиянды кодты түрлендіре алады және одан күрделі және мақсатты шабуылдар жасау үшін оның негізінде зиянды БЖ дамыта алады.

AV-TEST тестілеуі 2023 жылдың тамызында өтті. Оған 33 корпоративті және жеке пайдаланудағы қорғаныс шешімдері қатысты. Оларға қарсы он бөлек: бесеуі-бопсалаушы- бағдарламаларын және бесеуі — стилерлерді (пайдаланушының құпия деректерін, оның ішінде сақталған логиндері мен құпия сөздерін ұрлайтын бағдарламаларды) қолдана отырып күрделі шабуыл жасалды. Осы раундтың бір бөлігі ретінде Rust бағдарламалау тілінде жазылған зиянды файлдардың үлгілері бірнеше шабуылдар үшін пайдаланылды. Бұл зиянкестерге жоғары өңдеу жылдамдығы, көптеген операцияларды қатар орындау және көптеген зиянды БЖ анықтау жүйелерін статикалық талдаудан жасыру сияқты артықшылықтар береді.

Тексерісте «Касперский Зертханасының» үш шешімі қатысты — бизнеске арналған Kaspersky Security, Kaspersky Small Office Security және Kaspersky Standard. Олар мүмкін болатын 35 ұпайдың 35-ін жинады және бизнес шешімдері үшін Advanced Approved Endpoint Protection және пайдаланушы шешімдері үшін Advanced Certified сертификаттарын алды.

«Касперский Зертханасының» шешімдері бопсалаушы бағдарламаларына қарсы тиімділікті үнемі тексеріп отырады. 2023 жылдың ақпан, сәуір және маусым айларында ұқсас AV-TEST тексерулерінің нәтижелері бойынша олар бірдей жоғары нәтижелерге қол жеткізді.

2013 жылдан бастап 2022 жылға дейін «Касперский зертханасының» өнімдері 827 тәуелсіз сынақтар мен шолуларға қатысып, 587 рет бірінші орынға ие болды және 685 рет үздік үштікке кірді.

«Тамыз айында өткізілген он сценарийден құралған сынағы зиянкестер қолданатын көптеген әдістерді қолданды. Олардың арасында DNS TXT Record, шифрланған деректерді беру және фишингтік тіркемелер бар. Сондай-ақ, біз Rust  бағдарламалау тілін шешімдердің зиянды БЖ мақсатты шабуылдарын жедел анықтау және олардан жүйені қорғау қабілетін тексеру үшін қолдандық. «Касперский Зертханасының» барлық шешімдері тағы да керемет нәтижелер көрсетті. Біз олардың үнемі мінсіз жұмыс істейтінін және 100% тиімділікті көрсететінін көргенімізге қуаныштымыз»,- деп AV — TEST техникалық директоры Майк Моргенштерн түсіндіреді.

«Бопсалаушы-бағдарламалар шабуылдары қарапайым тұтынушылар мен шағын бизнестен бастап трансұлттық корпорацияларға дейінгі барлық адамдар үшін жаһандық мәселе болып қала береді. Бұл қауіптерден қорғану үшін киберқауіпсіздікке кешенді көзқарас қажет, ол түпкілікті құрылғыларды сенімді қорғау түріндегі берік іргетассыз мүмкін болмайды. Біздің шешімдеріміз бопсалаушы- бағдарламаларға қарсы тағы да 100% тиімділікті көрсеткенін мақтан тұтамыз», — деп «Касперский зертханасы» антивирустық зерттеулер зертханасының жетекшісі Владимир Кусков түсіндірді.