Huawei MWC 2024 көрмесінде өзінің сәнді әрі жоғары санаттағы өнімдерінің тізбегін ұсынды

Mobile World Congress (MWC) көрмесіне Huawei компаниясы қонақтардың назарын аударған, атап айтқанда HUAWEI Mate 60 RS ULTIMATE DESIGN, HUAWEI FreeClip және HUAWEI WATCH GT 4 сияқты сән мен технологияларға бағытталған жоғары санаттағы флагмандық өнімдер желісін ұсынды. Huawei стенді ULTIMATE DESIGN, Fashion Forward, XMAGE, Creation of Beauty және Fitness & Health аймақтарына бөлінді, олар Huawei шешімдерінің күнделікті өмірге жаңа технологияларды қалай енгізетінін және сценарийлер тәжірибесін қалай молайтатынын көрсетті. Технологиялық инновацияларға инвестициялауды жалғастыра отырып, Huawei одан әрі серпіліс жасауға және жаһандық тұтынушылар үшін бай және дербес өмір салтын құруға ұмтылады.

Huawei Consumer Business Group Бас операциялық директоры Кевин Хо:

«Huawei сән мен технологияға бағытталған жоғары дәрежелі жаһандық бренд ретінде өз ұстанымын нығайта бермекші. 2024 жылы біз ақылды құрылғылар, фитнес пен денсаулық, сондай-ақ цифрлық шығармашылық саласындағы зерттеулер мен әзірлемелерге инвестиция жасауды жалғастырамыз. Бұл әрекетіміз бүкіл әлем бойынша пайдаланушылар үшін инновациялық өнімдер мен қызметтерді неғұрлым қолжетімді етуге және тұтынушылар үшін озық, жаңашыл және дербес өмір салтын құруға мүмкіндік береді«

Huawei CBG бизнесінің сенімді өсімі компанияның жоғары санаттағы құрылғылар нарығындағы орнын нығайтады

 Өткен жылы Huawei CBG компаниясы айтарлықтай табыстарға қол жеткізді. Ол жоғары санаттағы өзіңмен бірге алып жүруге болатын құрылғылар, аудиотехника, планшеттер, ДК және телефондар нарығында жоғары санаттағы, сәнді және технологиялық өнімдердің тартымды желісін шығара отырып, әлемдік нарықта серпіліс жасай алды. Huawei Еуропада, Таяу Шығыста және Африкада, Латын Америкасында және Азия-Тынық мұхиты өңірінде флагмандық өнімдерді іске қосу бойынша іс-шаралар өткізді, компанияның жоғары дәрежелі бренд ретінде өзінің жаһандық қатысуын кеңейтуге ұмтылысын көрсетті.

2023 жылы шығарылған флагмандық смартфондардың арасында HUAWEI Mate 60 Series және HUAWEI Mate X5 бар, олар Huawei компаниясына жоғары санаттағы құрылғылар нарығындағы ең ірі ойыншы болуға көмектесті және Huawei компаниясының бүкіл әлем бойынша жетекші техникалық қуатын дәлелдеді. Сондай-ақ Huawei ультражоғары санаттағы ULTIMATE DESIGN жаңа брендін ұсынды, ол Huawei компаниясының көпшіліктен ерекшелей отырып, айрықша эстетика, шеберлік және технологиялық инновацияларды ұсынады. Counterpoint Research-тің соңғы есебіне сәйкес, 2023 жылы Huawei барлық брендтер арасында үшінші орынды иеленіп, жоғары санаттағы смартфондардың әлемдік нарығындағы үлесінің 5% -ын иеленді. 2024 жылдың алғашқы екі аптасында Huawei смартфондар сатылымының ең үлкен көлемімен қытай нарығында бірінші орынды иеленді. 2023 жылдың соңына қарай Huawei өзіңмен бірге алып жүруге болатын ақылды құрылғыларының әлемдік жеткізілімдері 150 миллионнан асты, оған қоса, осымен бес жыл қатарынан Huawei Қытайдың ақылды сағаттар нарығында бірінші орында иеленіп отыр. HUAWEI Health App қолданбасының базасы 450 миллионнан астам пайдаланушыны құрайды. 2023 жылға қарай, өзінің алғашқы планшетін шығарғаннан он жыл өткен соң, Huawei компаниясы 100 миллионнан астам планшетті жеткізді.

Жоғары санаттағы дизайнның көмегімен жаңа эстетикалық парадигма жасау

MWC көрмесіндегі Huawei «Fashion Forward» сценарийлік көрме аймағы көпшіліктің көңілінен шықты және Huawei сәнге бағдарланған жоғары санатты бренд құруға баса назар аударатынын көрсетті. 2023 жылы Huawei өзінің «Fashion Forward» науқанын ұсынды, оның мақсаты тұтынушылар үшін сәнді және салауатты өмір салтын қалыптастыру болып табылады. Huawei ҒЗТКЖ-на едәуір қаражат құя отырып, әрбір жаңа өнім үшін жаңа дизайн парадигмасын әзірлеуге және саладағы сәнді үрдістердің басында болуға ұмтылады.

Huawei компаниясы бірінші санаттағы материалдарды пайдалану, бірегей дизайн және озық өндіріс технологиялары арқылы тұтынушылар үшін жоғары санатты, сәнді және технологиялық өнімдер мен сезімдер туындатуға ұмтылады. HUAWEI Mate 60 RS ULTIMATE DESIGN әзірлеу кезінде зерттеу және әзірлеу бөлімінің қызметкерлері қызыл керамиканы жентектеу процесіне алғаш рет сирек кездесетін элементтерді қосты. Әрбір телефон 60 күндік өндіріс кезеңінде 1400°C температурада қыздырылып, 50-ден астам процестен өтеді, бұл ашық қызыл корпусты құру үшін шешуші мәнге ие. HUAWEI WATCH ULTIMATE DESIGN — Huawei тарихындағы алғашқы алтын смарт-сағаттар. Олар 18 карат алтыннан және цирконий негізіндегі сұйық металдан жасалған. HUAWEI FreeClip — компанияның C-bridge Design-ын қолданған алғашқы құлаққаптары. Бұл құрылым беріктігі мен орнықтылығымен ерекшеленеді, оны киюге ыңғайлы және құлаққаптардың сырт келбетін айрықша етіп тұрады. HUAWEI WATCH GT 4 сағаты беткейіндегі әрбір бөлшекті ерекше көрсете отырып, сегіз бұрышты нысанда орындалған.

Бүгінгі таңда Huawei түрлі мәдениеттердің дизайны мен эстетикалық үрдістері туралы түсінік алу, түрлі дәстүрлерді пайдалану және Шығыс пен Батыстың дизайн элементтерін қосу үшін Париж, Милан және Лондонда эстетиканы зерттеу орталықтарын ашты. Эстетиканы зерттеу орталықтары тұтынушылар үшін бірегей және теңдессіз эстетикалық әсерлерді қамтамасыз ете отырып, технологиялар мен дизайнның үздіксіз дамуына ықпал ететін жаһандық платформалар болып табылады.

Озық ақылды тасымалы құрылғылар денсаулық жағдайын кешенді және дәл реттеуді қамтамасыз етеді

 Huawei «Fitness & Health» сценарийлік көрме аймағы да қонақтардың назарын аударды. Ақылды тасымалы құрылғылар Huawei CBG жаһандық бизнесінің маңызды секторларының бірі болып табылады. 2023 жылы Huawei компаниясы флагмандық тасымалы құрылғылар желісін ұсынды, оның ішінде BeiDou спутнигі арқылы екі жақты хабар алмасуды қолдайтын алғашқы күнделікті смарт-сағат HUAWEI WATCH Ultimate, Health Glance жаңа функциясы бар HUAWEI WATCH GT 4, жаңа белсенділік сақиналары мен Stay Fit қосымшасы бар HUAWEI WATCH GT 4, сондай-ақ тарихтағы алғашқы алтын жалатылған смарт-сағат HUAWEI WATCH ULTIMATE DESIGN бар. Huawei компаниясы озық технологиялар, кәміл эстетика, денсаулықты бақылау және ғылыми негізделген жаттығулар саласында үнемі серпілістер мен инновациялар жасап келеді, олар бүкіл әлем бойынша тұтынушылар арасында толық мойындалды. Сату басталғаннан кейін үш ай өткен соң HUAWEI WATCH GT 4 әлемдік жеткізілімдері 2,5 миллионнан астам бірлікті құрады, сөйтіп, HUAWEI WATCH GT 4 ең көп сатылатын Huawei смарт-сағатына айналды.

Ақылды тасымалы құрылғылар индустриясын он жылдан астам уақыт бойы зерттей отырып, Huawei өзінің TruSeen ™ өмірлік маңызды көрсеткіштерін мониторингілеу технологиясын әзірледі, ол сегіз жыл ішінде бес буын арқылы жаңартылды. Бұл технология Huawei компаниясын ақылды тасымалы құрылғылар индустриясының негізгі ойыншыларының біріне айналдырады. Huawei компаниясы ақылды тасымалы құрылғыларға 800-ден астам патенттік өтінім беріп, ҒЗТКЖ-ына инвестициялар көлемі және фитнес пен денсаулық саласындағы патенттер саны бойынша бірінші орынды иеленді. 2023 жылғы қазанда Huawei өзінің үшінші денсаулық зертханасын — Huawei Finland Health Lab ұсынды. Сондай-ақ, компания  тасымалы құрылғылар саласындағы кәсіби зерттеулердің жаһандық дамуын жеделдете отырып, 10-нан астам жаһандық зерттеулер мен әзірлемелер орталықтарын құрды. Huawei ғылыми зияткерлік шешімдерді барлығына қолжетімді ете отырып, фитнес және денсаулық бойынша жаңашыл қызметтерді енгізуді жалғастырады.

Huawei компаниясы тұтынушылардың денсаулыққа қатысты негізгі көкейкесті мәселелерін зерттеуді жалғастырады, ҒЗТКЖ-ына қаражат құюды көбейтеді және жаһандық тұтынушылардың игілігі үшін үнемі серпіліс жасайды. 2024 жылы Huawei үш салалық міндетке басымдық береді: ұйқыны, қан қысымын және психикалық денсаулықты басқару. Осы әрекеттердің арқасында Huawei тұтынушыларға денсаулықты бақылау үшін неғұрлым дәл, ыңғайлы және кешенді шешімдерді ұсынады.

 Сұлулық туындысының куәсі болған сандық шығармашылық

 HUAWEI MatePad Pro 13.2 «, Huawei ең жаңа флагмандық планшеті және осы планшеттің көмегімен әлемдік авторлар жасаған көптеген жұмыстар MWC 2024 көрмесінде жоғары қызығушылық тудырды. Планшет 2023 жылы шығарылды, ол NearLink технологиясын қолдайтын алғашқы планшет болды, бұл Huawei планшеттерінің он жылдық мерейтойына орай шығарылған өнім болатын. Бұл сондай-ақ жиектері өте жіңішке және экранның корпусқа қатынасы ең жоғары, ең жіңішке планшет. Планшет HUAWEI M-Pencil (3-ші буын) — цифрлық шығармашылықтың теңдессіз тәжірибесін қамтамасыз ететін 10000+ қысымға сезімталдық деңгейін қолдайтын алғашқы стилуспен тамаша үйлеседі. GoPaint жаһандық науқанының шеңберінде 2023 жылы Huawei цифрлық шығарма иелерін Huawei планшеттерінде орындалған жұмыстарды көрсетуге шақырды. Планшеттердің алдыңғы қатарлы мүмкіндіктерін дамыта отырып, Huawei әркім өз-өзін жан-жақты таныстыруы үшін шығармашылық жетістігін баршаға қолжетімді етуге ұмтылады.

Іс-шарада Huawei компаниясы тұтынушыларға цифрлық шығармашылықтың кең тәжірибесін ұсыну үшін PaperMatte Display және NearLink технологияларына басымдық бере отырып, 2024 жылы цифрлық шығармашылыққа инвестициялар құюды жалғастыратынын атап өтті. Huawei өткізген GoPaint науқаны да жаңартылып, көптеген елдер мен өңірлерді қамтитын болады, бұл оны цифрлық өнер қауымдастығындағы шынайы жаһандық күшке айналдырмақ.

Huawei компаниясының мобильді визуализация саласындағы жетістіктері де елеулі: компания XMAGE брендін іске қосты, ол оптикалық жүйелерден бастап бейнелерді қалыптастыру және өңдеу технологияларына дейінгі барлық қырларды қамтитын болады. 2023 жылы Huawei компаниясының HUAWEI Mate 60 Series, HUAWEI Mate X5 және HUAWEI P60 Series сияқты флагмандық өнімдері пайдаланушыларға мобильді фотосуретке түсу бойынша мүлдем жаңа тәжірибе ұсыну үшін XMAGE мүмкіндіктерімен жабдықталды. 2023 жылы HUAWEI XMAGE Awards байқауына 100-ге жуық ел мен өңірлерден 600 000-нан астам жұмыс жіберілді. Оның мақсаты — пайдаланушыларды айналасындағы сұлулықты түсіріп, бөлісуге, өз эмоцияларын білдіруге және смартфон фотосуретінің мүмкіндіктерін көрсетуге шабыттандыру.

Huawei компаниясының MWC 2024 көрмесіндегі экспозициясы компанияның жоғары санаттағы құрылғылардың жаһандық нарығына бейілділігін көрсетті. 2024 жыл шешуші жыл болады, себебі Huawei жоғары сапалы, сәнді және технологиялық өнімдерді, қызметтер мен мүмкіндіктерді бүкіл әлем бойынша пайдаланушылар үшін қолжетімді етіп, зерттеу мен инновациялық технологияларды әзірлеуге инвестицияларды ұлғайтып, салаға бағыт-бағдар бермекші.