Ақпан айында жолаушылар сұранысы 6,1%-ға, жүк тасымалы 11,2%-ға өсті

Халықаралық әуе көлігі қауымдастығы (IATA) 2026 жылғы ақпан айындағы әлемдік әуе тасымалы нарығының нәтижелерін ұсынды.

Жолаушылар тасымалы:

• Жалпы жолаушылар сұранысы (RPK) жылдық мәнде 6,1%-ға өсті. Халықаралық тасымалдар 5,9%-ға, ішкі нарық 6,3%-ға артты.
• Өткізу қабілеті 5,6%-ға өсті, жүктеме коэффициенті 81,4%-ға жетті (+0,3 т.п.) — ақпан үшін рекордтық деңгей.
• Сұраныс өсімі тұрақты сақталуда, нарық теңгерімді дамуда: ұсыныс пен сұраныс динамикасы бір-біріне жақын.
• Ең жоғары өсім Латын Америкасында және Азия-Тынық мұхиты аймағында байқалды, ал Таяу Шығыста геосаяси факторларға байланысты өсім баяулады.
• Халықаралық бағыттар ішінде Еуропа — Азия (+14%) бағытында, әсіресе Азия — Испания және Италия арасында айтарлықтай өсім тіркелді.

IATA бас директоры Уилли Уолш:

«Ақпандағы 6,1% өсім сұраныстың негізгі драйверлері мықты екенін көрсетеді. Дегенмен, Таяу Шығыстағы жағдай белгісіздік туындатып отыр. Отын бағасының өсуі қысымды арттырып, тарифтердің көтерілуіне және маршруттық желілердің қайта қаралуына әкелуде»

Жүк тасымалы:

• Жүк тасымалына сұраныс (CTK) 11,2%-ға өсті (+11,6% халықаралық сегментте).
• Өткізу қабілеті 8,5%-ға артты, жүктеме коэффициенті 46,0%-ды құрады (+1,1 т.п.).
• Барлық өңірлерде өсім байқалды, ең жоғары көрсеткіштер Африкада (+21,0%), Таяу Шығыста (+16,5%) және Азия-Тынық мұхиты аймағында (+13,6%).
• Негізгі сауда бағыттарының барлығында өсім тіркелді, әсіресе Таяу Шығыс — Азия (+24,0%) және Еуропа — Азия (+13,1%).

IATA бас директоры Уилли Уолш:

«Жүк тасымалы сегменті ақпанда сенімді өсім көрсетті. Алайда Таяу Шығыстағы қақтығыс нарықтың болашақ динамикасына қатысты белгісіздікті күшейтуде. Отын бағасының өсуі, оның тапшылығы және негізгі хабтардағы іркілістер салаға қысым түсіруде»