ҚазҰУ – студенттік өмірдің мүмкіндіктер кеңістігі

Жоғары оқу орнындағы студенттік кезең тек білім алумен шектелмейтін, тұлғалық қалыптасудың, жаңа мүмкіндіктерді игерудің және өмірлік бағытты айқындаудың маңызды белесі. Осы кезеңде жастар кәсіби біліммен қатар, өмірлік тәжірибе жинақтап, қоғамдағы өз орнын табуға ұмтылады. Осындай мүмкіндіктер кеңістігін қалыптастырып отырған жетекші оқу орындарының бірі – әл-Фараби атындағы ҚазҰУ.

Бүгінде ҚазҰУ студенттері оқу аудиториясымен ғана шектелмей, қоғамдық, мәдени және ғылыми өмірдің бел ортасында жүр. Университет қабырғасында түрлі клубтар мен ұйымдар жұмыс істейді, онда әр студент өз қызығушылығына сай бағыт таба алады. Дебат клубтары, волонтерлік қозғалыстар, шығармашылық үйірмелер мен спорттық командалар жастардың белсенділігін арттырып, олардың жан-жақты дамуына жол ашады. Студенттердің белсенділігі, ең алдымен, олардың азаматтық ұстанымынан көрінеді. Оқу ордамыздың  жастары қоғамдағы өзекті мәселелерге бейжай қарамай, түрлі әлеуметтік жобаларды жүзеге асыруда. Қайырымдылық акциялары, экологиялық бастамалар, құқықтық сауаттылықты арттыруға бағытталған іс-шаралар – осының барлығы студенттердің қоғам алдындағы жауапкершілігін айқындайды.Аталған жұмыстар жастардың әлеуметтік белсенділігін арттырып қана қоймай, олардың адамгершілік құндылықтарын нығайтады.

Ғылыми бағыттағы белсенділік те ерекше орын алады. ҚазҰУ студенттері ғылыми конференциялар мен форумдарға қатысып, өз зерттеулерін ұсынады. Бұл олардың теориялық білімін тәжірибемен ұштастыруына мүмкіндік береді. Жас зерттеушілер түрлі ғылыми жобаларға қатысып, жаңа идеяларды жүзеге асыруға талпынады. Осындай ізденістер студенттердің кәсіби қалыптасуына және ғылыми ойлау қабілетінің дамуына ықпал етеді.Сонымен қатар, мәдени және шығармашылық өмір де қарқынды дамуда. Университетте ұйымдастырылатын концерттер, фестивальдер, театр қойылымдары жастардың өнерге деген қызығушылығын арттырып, олардың шығармашылық әлеуетін ашады. Әсіресе ұлттық мәдениет пен дәстүрді дәріптеуге бағытталған іс-шаралар білім ордасының студенттерінің рухани дамуына оң әсер етеді.

Спорт саласы да студенттік өмірдің маңызды бөлігі. ҚазҰУ жастары түрлі спорт түрлерінен жарыстарға қатысып, университет намысын қорғап келеді. Спорттық іс-шаралар тек денсаулықты нығайтып қана қоймай, студенттер арасында достық пен командалық рухты қалыптастырады.Студенттердің тәжірибелік дағдыларын дамытуға да ерекше мән беріледі.Қара шаңырақ студенттері өндірістік тәжірибеден өтіп, болашақ мамандығына жақындай түседі. Заң, экономика, журналистика және басқа да салалар бойынша білім алып жатқан жастар нақты жұмыс процесімен танысып, кәсіби ортаға бейімделеді. Аталған жұмыстар олардың еңбек нарығында сұранысқа ие маман болуына негіз қалайды.

Қоғаммен байланыс орнатуда студенттердің бастамалары ерекше рөл атқарады. ҚазҰУ жастары мемлекеттік органдармен, қоғамдық ұйымдармен бірлесіп түрлі жобаларды жүзеге асырады. Мұндай серіктестік олардың тәжірибесін арттырып, көзқарасын кеңейтеді. Сонымен қатар, студенттер түрлі байқаулар мен гранттық жобаларға қатысып, өз идеяларын жүзеге асыруға мүмкіндік алады.Көшбасшылық қабілеттерді дамыту да студенттік өмірдің маңызды бағыты.Білім ордасының студенттері түрлі ұйымдарды басқарып, іс-шараларды ұйымдастыру арқылы басқару дағдыларын меңгереді. Цифрлық дәуірде студенттердің белсенділігі әлеуметтік желілерде де көрініс табуда. ҚазҰУ жастары өз жобаларын насихаттап, қоғаммен тиімді байланыс орнатады. Ақпараттық технологияларды меңгеру олардың заман талабына сай дамуына мүмкіндік береді.Қорыта айтқанда, студенттік өмір  бұл тек білім алу кезеңі ғана емес, жан-жақты дамудың алаңы. ҚазҰУ студенттері белсенділік пен ізденісті ұштастыра отырып, өз болашағын қалыптастыруда. Осындай ортада тәрбиеленген жастар елдің дамуына үлес қосатын білікті маман әрі саналы азамат ретінде қалыптасады.

Мынбатырова Н.Қ.

Әл-Фараби атындағы ҚазҰУ,

мемлекет және құқық теориясы мен тарихы,

конституциялық және әкімшілік

құқық кафедрасының доценті, з.ғ.к.

Толқын Роза,

Әл-Фараби атындығы ҚазҰУ

заң факультетінің 2 курс магистранты