NU ғалымдары Ш. Уәлиханов және Д. Қонаев атындағы мемлекеттік сыйлықтарға ие болды

Дина Шәріпова гуманитарлық ғылымдар саласындағы үздік ғылыми зерттеу — «Қазақстан мен Қырғызстан мысалында Орталық Азиядағы әл-ауқаттың өзгеруі» атты еңбегі үшін Ш. Уәлиханов атындағы сыйлықтың лауреаты атанды. Ал Жанат Қаппасов жаратылыстану ғылымдары саласындағы үздік жұмыс — «Қоршаған ортамен интеллектуалды физикалық өзара әрекеттесуге арналған оқиғалық тактильді робот терісі» зерттеуі үшін жас ғалымдарға арналған Д.А. Қонаев атындағы сыйлыққа ие болды.

Сонымен қатар мемлекеттік ғылыми стипендия иегерлері қатарына Инженерия және цифрлық ғылымдар мектебінің (SEDS) қауымдастырылған профессоры Алмагүл Ментбаева, SEDS постдокторанты Азамат Ешмұхаметов, Жаратылыстану, әлеуметтік және гуманитарлық ғылымдар мектебінің постдокторанты Берікбол Дүкеев, сондай-ақ NU жанындағы National Laboratory Astana ғалымдары Шолпан Аскарова, Олзат Тоқтарбайұлы, Әлия Мұқанова және Мүнзия Әбутәліп енді.