Ақсу металлургтері Наурызды жаңа пәтерлерінде қарсы алды

Наурыз мерекесі қарсаңында ERG-дің хром дивизионының құрамындағы Ақсу ферроқорытпа зауыты («Қазхром» ТҰК» АҚ) қызметкерлеріне пәтер кілттері табысталды. Зауыттағы мамандар ERG-дің арнайы тұрғын үй бағдарламасы арқасында алғашқы жарнасыз-ақ баспанаға қол жеткізді.

Кілттерді табыстау салтанаты Ақсу ферроқорытпа зауытының акт залында өтті. ERG мен «Отбасы банк» АҚ арасындағы келісімшарттың арқасында 18 отбасы үйлі болды. Жаңадан қоныстанушылар арасында тапшы мамандықтар және болашағы зор жас қызметкерлер бар.

– Биыл Ақсу ферроқорытпа зауыты 55 жылдық мерейтойын атап өтеді, — деді кәсіпорын орынбасары директордың Мусабек Макашев. – Жарты ғасырдан астам уақыт ішінде өзіндік дәстүрі мен шежіресі түзілген, айрандай ұйыған ұжым қалыптасты. Сондай бір жақсы дәстүрлердің бірі – бұл тиімді тұрғын үй бағдарламасы, соның арқасында металлургтер қолжетімді бағамен пәтер иесі атана алады. Жеке тұрғын үй – бұл жай ғана қабырға мен шатыр емес, бұл ертеңгі күнге сенімділік, жайлылық ортасы.

Пәтерлер жалдау-жинақтау тетігі негізінде сатылатын болады. Яғни, алғашқы 8 жыл ішінде қызметкерлер пәтерде тегін тұрады. Сол уақыттың ішінде олар Отбасы банкіндегі депозиттерінде пәтер құнының 50%-ын жинауы қажет. Осы шартты орындаған жағдайда, Отбасы банкі қалған 50%-ын қызметкерлерге 3,5%-дан 5%-ға дейінгі жылдық мөлшерлемемен тұрғын үй заемын береді. Міне, сонда баспана ERG-ден сатып алынады.

–  Еңбек адамдарына жаңа пәтерлердің кілттерін табыстау мен үшін үлкен мәртебе. Әсіресе, көктем мерекесі қарсаңында қызметкерлердің көңіл-күйлерін көтерген керемет. ERG –  әлеуметтік бағдарлын компания, сатылып жатқан пәтердің құны нарықтық бағадан әлде-қайда төмен. Оның үстіне, қоныстанушылар баспанаға алғашқы жарнасыз қол жеткізді, — деді «Отбасы банк» АҚ Павлодар облыстық филиалының директоры Талғат Баилов.

Құтты қоныс иесінің бірі – шихта өңдеу цехының кран машинисі Антонина Ақылбаева. Оның анасы Ақсу зауытындағы №1 балқыту цехында кран машинисі болып жұмыс істеді. Ал жұбайы – металлургиялық құрал-жабдықтарды жөндеу цехының шебері, кәсіпорынның үздік қызметкерлерінің бірі, «Идеялар фабрикасы» мен ERG инноваторлар форумының белсенді қатысушысы және жеңімпазы, зауыттың Құрмет тақтасында болды. Антонина мен оның жұбайы зауытта 30 жылдан астам бірге қызмет атқарып келеді. Метталургтер отбасында үш бала өсіп келеді.

–  Енді өз баспанамыз барына әлі сене алмай отырмын. Кілттерді тапсырар алдында жеребе тартылды, маған дәл осы ауданда және біз бүкіл отбасымызбен қалаған қабаттан пәтер бұйырды. Біз өте қуаныштымыз. Пәтерден пәтерге көше беруден шаршаған едік, — дейді Антонина.

Еске сала кетейік, ERG тұрғын үй бағдарламасы 2009 жылдан бері жүзеге асып келеді. Сол уақыттан бері Ақсу ферроқорытпа зауытының қызметкерлеріне 6 үй салынып, 300 отбасы баспаналы болған.