Венеция кинофестивалінде HONOR жаңа буын кинематографиялық смартфондарын таныстырды

83-ші Венеция халықаралық кинофестивалі аясында жасанды интеллект негізіндегі құрылғылар экожүйесін дамытуда әлемдік көшбасшы HONOR бренді кино түсіруге арналған жаңа смартфондарын HONOR Robot Phone және HONOR Magic9 Pro Max модельдерін таныстырды.

ARRI компаниясымен бірлесіп әзірленген HONOR Robot Phone смартфондарының жаңа санаты фестиваль аудиториясының назарын ультрапортативті тұрақтандырғышы мен кәсіби түсірілім құралдарын біріктірген инновациялық құрылымымен аударды. HONOR мен ARRI арасындағы серіктестік Magic флагмандық смартфондар сериясы аясында да жалғасады. Венеция кинофестивалінде объективтерінің орналасуы ARRI компаниясының танымал кәсіби кинокамераларының дизайнынан шабыт алған HONOR Magic9 Pro Max смартфонының тұсаукесері өтті.

HONOR Robot Phone смартфондарында ARRI LogC3 форматы кадрдың жарық және қараңғы бөліктеріндегі ақпаратты көбірек сақтап, кейінгі өңдеу мүмкіндіктерін кеңейтеді. ARRI Wide Gamut 3 кеңірек түстік кеңістікті қамтамасыз етсе, ARRI Looks кинематографиялық түстердің басқарылатын стильдерін ұсынады. Қытайда қыркүйек айының соңында таныстырылуы жоспарланған HONOR Magic9 флагмандық сериясы ARRI технологияларын одан әрі дамытып, жаңа буын пайдаланушыларына кәсіби деңгейдегі кинематографиялық түсірілім құралдарын ұсынбақ.

Ғасырдан астам уақыт бойы ARRI компаниясы кино тілінің қалыптасуына үлес қосып келеді. Компанияның тарихы кинематографтың алғашқы кезеңдерінен бастап қазіргі заманғы цифрлық камераларға дейінгі технологиялық дамумен тығыз байланысты. ARRI-дің киноиндустрияға қосқан үлесі Америкалық киноөнер және ғылым академиясының 20 ғылыми-техникалық марапатымен атап өтілген.

«Киноның болашағы тек пиксель санын арттырумен шектелмейді. Ең бастысы — шығармашылық идеяларды жүзеге асыруға және әдемі кадрларды сақтауға жол беретін бақылау мен жаңа мүмкіндіктер. HONOR мобильді түсірілім, деректерді өңдеу және робототехника саласындағы тәжірибесін ұсынады, ал ARRI кескін технологиялары мен кәсіби өндірістік үдерістердегі ғасырдан астам тәжірибесін алып келеді. Біз әртүрлі индустриялардың өкілдеріміз, алайда күнделікті өзімізбен бірге алып жүретін құралдар арқылы шығармашылық мүмкіндіктердің шекарасын кеңейту мақсаты бізді біріктіреді», — деді ARRI компаниясының өнімдер жөніндегі директоры Дэвид Бермбах.

HONOR мен ARRI серіктестігі кәсіби құралдарды мобильді форматқа көшіру арқылы кинематографиялық шығармашылықты барынша қолжетімді етуді көздейді. Компаниялар техникалық валидация мен кинопроцестегі нақты пайдалану сценарийлеріне сүйене отырып, интеграцияланған технологиялар мен жұмыс үдерістерін одан әрі жетілдіруді жалғастырады.

Бұған дейін HONOR HONOR Robot Phone смартфонын әлемдегі жетекші кино іс-шараларында, соның ішінде 79-шы Канн кинофестивалінде, 28-ші Шанхай халықаралық кинофестивалінде және 83-ші Венеция халықаралық кинофестивалінде таныстырған болатын. Кинематографистер мен киноиндустрия сарапшылары құрылғының техникалық мүмкіндіктері мен кәсіби құралдарын жоғары бағалап, мобильді кино түсіру саласындағы инновацияларды одан әрі дамытуға қызығушылық танытты.