Air Astana компаниясы 21 жылдығын атап өтуде

Air Astana бүгін 2002 жылы алғашқы коммерциялық рейстің 21-ші жылын атап өтуде. Осы уақыт ішінде әуекомпания жолаушыларға қызмет көрсету, операциялық тиімділік, қауіпсіздіктің жоғары стандарттары және акционерлердің немесе үкіметтің қаржылық қолдауынсыз табысты қызметі үшін беделді марапаттарға ие болды. Компанияның көп жылдық табысы 2022 жылы ең жоғары деңгейге жетті, компаниялар тобының таза кірісі 78,4 миллион АҚШ доллар, жалпы кірісі 1,03 миллиард АҚШ доллар. Былтыр Air Astana және FlyArystan құрылымдық бюджеттік бөлімшесімен бірге 7,35 миллион жолаушыны тасымалдады. Компаниялар тобы Қытай, Грузия, Германия, Үндістан, Оңтүстік Корея, Таиланд, Түркия, БАӘ және Ұлыбританияны қоса есептегенде 90-нан астам ішкі және халықаралық бағыттарға қатынайды. Топтың заманауи әуепаркі Airbus, Boeing және Embraer типтегі 43 ұшағынан тұрады.

Инновация-әуекомпанияның стратегиялық дамуының негізі. Ол ішкі нарықты дамыту бастамасы болсын, соның арқасында 2010 жылдан бастап көршілес Орталық Азия елдері мен Кавказ өңірінен Алматы мен Астанаға жолаушылар ағыны өсіп келеді немесе 2022 жылдың қорытындысы бойынша ішкі және халықаралық бағыттар бойынша 3,2 млн-нан астам жолаушыны тасымалдаған FlyArystan бюджеттік бөлімшесін 2019 жылы құруы болсын.

Өткен жылдардағы басқа да жетістіктердің қатарында мыналарды атап өту маңызды: 2008 жылы ab-initio ұшқыштарын даярлау бойынша дербес бағдарламасын іске қосу, соның арқасында 300-ге жуық білікті ұшқыш шықты; 2007 жылы Nomad Club жиі ұшатын жолаушыларға арналған жеке бағдарламасын енгізу; 2018 жылы Астанада C-check орындауға техникалық мүмкіндігі бар өзінің инженерлік орталығын ашу; және жаһандық денсаулық дағдарысының салдарын өтейтін курорттық туризмге бағытталған бағыттар желісін дамыту.

2010 жылдан бастап Air Astana жоғары сапалы қызметі үшін Skytrax, APEX және Tripadvisor халықаралық сыйлықтарымен, сондай-ақ 2015 жылы Air Transport World жаһандық нарықтағы көшбасшылық сыйлығымен бірнеше рет марапатталды.

«Air Astana 21 жылдық мерейтойын мерекелеуге лайық, себебі болған табысты стратегиялар мен инновациялық шешімдер болашақта тұрақты даму үшін қазіргі уақытта берік негізді құрайды. 6 000 өз ісіне адал қызметкерлеріміздің әрқайсысына және миллиондаған клиенттерге шын жүректен алғысымды білдіремін. Олардың қолдауы соңғы жылдардағы барлық қиындықтарды еңсеруге және 2023 жылы дамуды сенімді түрде жалғастыруға мүмкіндік берді», — деп атап өтті Air Astana компаниялар тобының президенті Питер Фостер.

Air Astana әуе паркін батыста өндірілген заманауи әуе кемелерімен дамытуды жалғастыруда. 2022-2023 жылдары компаниялар тобы 8 әуе кемесін алды, ал осы жылдың соңына дейін тағы 7 ұшақты күтуде, сонымен қатар 2024 -2026 жылдар аралығында тағы 13 ұшақты жеткізу туралы келісімшарт жасады. 2025 жылдан бастап әуекомпания 3 Boeing 787 әуе лайнерін алуды жоспарлап отыр. Бұл әуекомпанияға бірқатар ұзақ қашықтыққа, соның ішінде АҚШ-қа ұшуды бастауға мүмкіндік беретін жаңа кең фюзеляжды ұшақ.

Жақын арада Air Astana Израильдегі Тель-Авивке және Сауд Арабиясындағы Джиддаға жаңа тікелей рейстерді іске қосуды, сондай-ақ қолданыстағы маршруттардағы ұшу жиілігін арттыруды жоспарлап отыр. Әуекомпания әуепарк пен маршруттық желіні дамыту 2023 жылдың соңына дейін топтың жолаушылар ағынын 8,5 миллионға дейін арттыруға мүмкіндік береді деп күтеді.

21-ші туған күнін атап өтіп, Air Astana 15-21 мамыр аралығында сайтта, мобильді қосымшада, Air Astana немесе Call Centre сату кеңселері арқылы билеттерді сатып алған жолаушылар арасында авиабилеттер мен басқа да бағалы сыйлықтар ұтыс ойынын өткізеді. Ұтыс ойынына қатысу ережелері мен шарттары әуекомпанияның сайтында жарияланған.