Air Astana JÜREGIMNIÑ JEÑIMPAZY атты қайырымдылық шараға қолдау көрсетті

Air Astana Астанадағы «Экспо» көрме кешенінде өткен JÜREGIMNIÑ JEÑIMPAZY 8-ші қайырымдылық жүгіру фестиваліне демеушілік қолдау көрсетті. Әлеуметтік бастама аясында әуекомпания жүгіруге қатысушылар арасында ойнату үшін ішкі және халықаралық бағыттарға әуе билеттерін ұсынды.

Жыл сайынғы фестивальді Heart Center Foundation қоғамдық қоры ұйымдастырады. Жоба қоғамның ағза донорлығы туралы хабардарлығын арттыруға және трансплантацияны күтіп жүрген пациенттерге қолдау көрсетуге бағытталған.

Қазақстанда донорлық мәселесі өзектілігін сақтап отыр. 2026 жылғы мамыр айының соңындағы мәлімет бойынша төрт мыңнан астам адам, оның ішінде жүзден астам бала ағза трансплантациясын күту тізімінде тұр. Осыған байланысты қоғамның донорлық және трансплантация мәселелері туралы хабардарлығын арттыруға бағытталған мемлекет, медицина қауымдастығы, қоғамдық ұйымдар мен бизнестің бірлескен жұмысы ерекше маңызға ие. Air Astana-ның шараға қатысуы адамдардың денсаулығы мен өмірін сақтауға бағытталған әлеуметтік маңызы бар бастамаларды қолдауға ұмтылысын көрсетеді.

Air Astana компаниялар тобы Heart Center Foundation бастамаларын бірнеше жылдан бері қолдап келеді. 2025 жылы әуекомпания UMC Жүрек орталығының дәрігерлеріне Осакада өткен Expo 2025 көрмесіне қатысу үшін тегін әуе билеттерін ұсынды. Онда дәрігерлер донорлық ағзаларды сақтаудың инновациялық технологиясын таныстырды. Топ құрамындағы FlyArystan лоукостері де әр жылдары қордың қайырымдылық жүгіру фестивальдеріне демеушілік көрсетіп, өңірлік мамандарға арналған білім беру сессияларының әуе серіктесі болды.